Proverbs 3:3 - Ohiatonhseratokénti

³ Tóhsa nonwén꞉ton sáhtkahf ne ioiánere tsi nihsheiatierá꞉se nonkwehshón꞉ʼa tánon sarihwatokénhak. Swánerenʼk seniarà꞉ke, tánon serià꞉ne shiá꞉ton.

Proverbs 3:3 ပူးပေါင်းရင်းမြစ်များ

2 Samuel 15:20

Ní꞉se ónkwak khók theténhre í꞉soh, tánon kwáh kén ní꞉ih akonrí꞉hon ne skát꞉ne tahitewahtá꞉wehre nonkwáhtiakes, akwé iáh tewakateriéntare kanón꞉we niahonkenonhá꞉tie. Wáhs sashá꞉ket, ionsasheiaténhaf ne shonkwetaʼshón꞉ahs; tánon aiáwens ne Roiá꞉ner aréhneste ioriwató꞉ken kanoronhkwáhtsera ó꞉ni kariwatokentítsera ne shonháke.”

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 25:10

Akwé꞉kon ne tsi roháte ne Roiá꞉ner tsi iorihwató꞉ken ne kanoronkwáhtsera í꞉ken tánon oriwiʼiohónwe í꞉ken, né tsi nihiákon enhionteweiénton ne raoterihwasehronniátsera ó꞉ni ne raoianerénhseras.

Psalms 85:10

Né iorihwaʼtó꞉ken kanoronkwáhtshera tánon ne orihwiʼiohónwe skát꞉ne ienhtsáton; né karihwaʼkwahrihshón꞉tshera tánon ne skénnon kwáh kíʼ thentsatatséna.

Exodus 13:9

Kíʼ ieskáhes kwáh enhiakawehiarásthen, kwáh tsi ní꞉ioht ne thènnen akawéneʼrenke ne sewaʼnentʼtsàkes tó꞉ka ó꞉ni sewakenkwaràhke; ensewehiaràkwen niaʼhisewakonhtaʼkwénhaʼke nahisewakroʼrísehke ó꞉ni sewatéweiensts ne Roiá꞉ner rahoʼianerénsera, tsioríwa ne Roiá꞉ner né wàratsthe ne rahoʼshatsʼtensheroʼwanátshera tsi thonthatsiʼsewahiatíneʼkenʼwe ne Egypt.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Proverbs 1:9

Tsi ká꞉ti nahò꞉ten eniesarihónnien ne sénha ioiánere tsi nenhsonkweʼtoʼténhake tsi shí꞉ken ní꞉ioht ne tiokʼnitioiánere teiontenonhwarahnhákstha tókaʼ niʼ ionnihtiákstha sénha watkahthohtsherí꞉io naiesá꞉ken.

Proverbs 14:22

Tenhsatén꞉tsha ne aiesaniáhese tánon aiesakwénienhste nakorèn꞉shon tókaʼ ne ensaióʼten ne tkarihwaié꞉ri. Tókaʼ ne ensaióʼten ne ioʼtáksen, kwáh tokén꞉ʼen tenhsaterienʼtawénrie.

Proverbs 16:6

Sarihwatokénhak tánon sanitenrahtskónhak, Rawenni꞉io enshiaʼnikónhrhenʼseʼ tsi sarihwanéren. Tshewèn꞉narahkhwak ne Roiá꞉ner tánon iáh oʼthé꞉nen ne karihwáksen thaiesà꞉raʼne.

Proverbs 20:28

Ronontí꞉io enhoʼshatstenhseraièn꞉take tsi nikarí꞉wes rorihwakwaríhshion tánon thorihwaié꞉ri.

Proverbs 6:21

Tió꞉konteʼ ne raotiwennaʼshón꞉ʼa serià꞉ne nón꞉we naʼsateweién꞉ton.

Proverbs 7:3

Sateweién꞉ton tiótkon tsi ní꞉ioht tsi konrihonnién꞉ni, shiá꞉ton ne serià꞉ne.

Jeremiah 17:1

Ne Roiá꞉ner ráton, “Nonhkweshón꞉a ne Judah nónhwe, ne sewariwahneraháktshera ne kahiathónkwen ne kwáh iohiothí꞉ie karísthatsi, ne ne kwáh kahiothí꞉ie sewerhiáne nónhwe nikahiathónkwen tánon né nónhʼne wahkarahtakwáthon ne tsi tekahiosahkérons ne tsi sehwahtienharáhkwahs.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Malachi 2:6

Norihwí꞉io karihonnienníhtshera rahshà꞉kon wá꞉tahkwe, tánon iáh oh thé꞉nen naterienʼtawenriéhtshera tekatshénrion ne rariʼtsà꞉ke. Skátne tsi waʼtiatiatekháhahkwe ne ne skén꞉non í꞉ken tánon ne tkarihwaié꞉ri, tánon iakentiohkowá꞉nen tonsahshakokahrhaté꞉ni naiónhtkaʼwe ne karihwané꞉ren.

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

2 Corinthians 3:3

Akwah tho nisewaiaʼtò꞉tens tsi shí꞉ken ní꞉ioht ne Kerístos ahohiá꞉tonke, tánon í꞉ʼi taionkwaterihwareniá꞉ton. Nok iáh né꞉ʼe teiehtshihiatónhkwen ne tókaʼs ó꞉ni otstenhrà꞉ke nón꞉we nakahiá꞉tonke. Onkweriahnéhshon nón꞉we nisewathiatónnion ne rohiá꞉ton ne Roʼnikonhratokénhti ne ronhnheʼón꞉we Rawenni꞉io.

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Deuteronomy 6:8

Onakenshà꞉kes sewahiatón꞉nion tánon sewanentsaʼkéhsons sewawanerénhkons ó꞉ni sewakwenhkarà꞉kes sewahiatón꞉nion ne nahisewehiaraʼkwenhníhake.

Hebrews 10:16

“Ne á꞉se aterihwahseronniá꞉tshera nenhkón꞉ni skátke nonhkweshón꞉a ne Israelronónke nón꞉we tsi néntewe nenhní꞉seras kwáh kén ní꞉ioht, ráton ne Roiá꞉ner: Rahotinikonrakéhson nón꞉we néntsien natianerénhseras tánon rahonerianésons nón꞉we nenkʼkhiáton.”