Proverbs 3:2 - Ohiatonhseratokénti

² Tsi nahò꞉ten enkonrihónnien, karí꞉wes enhshónhnheke tánon ensakwáhtsheʼne.

Proverbs 3:2 ပူးပေါင်းရင်းမြစ်များ

1 Kings 3:14

Tánon tó꞉ka enskewénhnarakwahke tánon enshatiénawasʼthe natianerénhseras ó꞉ni nakerihwatátʼtseras, tsi né niʼiohʼtónhne ne ianikénhen Táwit, kwáh entkónhion ne karíhwes ashón꞉nheke.”

Job Tánon ne Raoronhiakensera 5:26

Ní꞉se kwáh thóh nienhénse ne satsatónhkwakon ne nó꞉nenh ensaksthénhake, tsi kí ní꞉ioht nonátsa nó꞉nenh ionorá꞉ri.

Psalms 119:165

Tsi nihiákon ne ienorónhkwah ne saianerénhsera kwáh hioianereʼónhwe tsi nihiakoianerasthénhni, tánon kwáh iáh othènen takakwéni nahiakoteraskwatsáthen.

Psalms 128:6

Aiáwenhs ashé꞉ken ne shehiaterehokónhas. Skénnenk thikénhak Nisraeroʼnónhke!

Psalms 21:4

Waʼhiarihwanóntonse natónnhets; tánon thá꞉tion— waʼtienhnisehretstenhniónhase tsi ienhénwe, tánon tsi nénhwe enkénhake.

Psalms 91:16

Né thenkherihwaʼserakwáhthen nahonhnonnhésonhke, kwáh kíʼ enkhesenhnówanaʼte.

Proverbs 10:27

Tshewèn꞉narahkhwa ne Roiá꞉ner, sénha enhsonhnhé꞉son. Ne ionkweʼtáksenʼs ronnihé꞉ions ohén꞉ton tsi niió꞉re ienkáhewe.

Proverbs 16:31

Ne tiakorihwaié꞉ri teniakoterihwaʼserákwahse eniakonhnhé꞉son; ataʼkenhróhkhwa niiakononhkwiseró꞉ten ne shá꞉ka tsi ní꞉ioht kakwenienhstáhtshera teiakoterón꞉ronh te.

Proverbs 4:10

Satahónhsatat, konién꞉ʼa. Kwáh tokén꞉ʼen tsé꞉na tsi nahò꞉ten konhró꞉ris, karí꞉wes enhshónhnheke.

Proverbs 4:4

Rakeʼníha rakerihonnién꞉ni, wahèn꞉ron: “Sehià꞉rak tsi nahò꞉ten enkí꞉ron tánon tóhsa nonwén꞉ton sasaʼnikónhrhen. Tho ná꞉tsehr nahò꞉ten enkonhró꞉ri tánon enhshónhnheke.

Proverbs 9:11

Attokháhtshera entison ne ahsonhnhé꞉son.

Isaiah 32:17

Tsi niʼiáwenhs ne karihwaʼkwahrihshióntshera kwáh skénnonk thenwá꞉ton, tánon tsi nenhiáwenhne ne karihwaʼkwahrihshiónhtshera, sák thenkénhake tánon entsiaʼkawethakwénhake tsi nénhwe enkénhake.

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 15:13

Rinekénnis ne Rawenni꞉io, tsi nikáien tesonkwáwis naskanéktseras, ahiaiatánaʼne natʼtsennonniátseras tánon ne skénnen neh tsi nitseniahésen, neh káti ne iakakontákwen nahontehiáron ne saskanéktsera neh akenikwékon ne rahosatsʼténsera ne Ronikonriʼióston.

Romans 5:1

Ne káti tsi sénhak tionkwateriwaʼseronnién꞉ni tsi nitióha ne tewetákwen, ionkwaientáʼon ne skén꞉nen rahonháke ne Ié꞉sos Kerístos.

Deuteronomy 11:21

Ethò꞉ne ki ní꞉se tánon ne ietshihienʼokónhas entsonhésonke ne tsi ionhontsá꞉ien ne Roiá꞉ner sewaNí꞉io shakorahratstén꞉ni ne ietsisoʼthonkonhkén꞉en enteshaká꞉wen. Thóh ensewanakerè꞉ke kwáh tsi nikarì꞉wes enkaronhiá꞉teke ne è꞉neken ne tsi ionhwentsá꞉te.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.