Proverbs 3:1 - Ohiatonhseratokénti

¹ Konién꞉ʼa tóhsa sasaʼnikónhrhen tsi nahò꞉ten enkonrihónnien. Tiótkon sehià꞉rak thóh náhshiere tsi nahò꞉ten enkonhró꞉ri.

Proverbs 3:1 ပူးပေါင်းရင်းမြစ်များ

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 119:153

Satkátho nakeronhiakénhsera, tánon tatsiatanónstat, tsioríhwa tsi iáh tewatkenrahtaníhon ne saianerénhsera.

Psalms 119:16

Kwáh wakonwehséntha ne sahianerénhseras; tsi nisahtsiawenhráhtons iáh thahonkenikónhren.

Psalms 119:176

Éhʼrenh wahkéton tsi ní꞉ioht ne teionakaronhtónha iohtsiatatónhon shatsatísak ne sanhátshera, tsioríhwa tsi iáh tewakkenronhníhon ne sahtsiawenhrásera.

Psalms 119:34

Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:61

Ne ronhnonkwetahétkens watsionkanikará꞉rahke, ók iáh kíʼtewakenikonhrénhen ne saianerénhsera.

Psalms 119:93

Kwáh iáh nonhwénhton thaʼhonkenikónhren ne saianerénhsera, asèken thóh nón꞉we niteskáwi natónhnhets.

Psalms 91:16

Né thenkherihwaʼserakwáhthen nahonhnonnhésonhke, kwáh kíʼ enkhesenhnówanaʼte.

Exodus 20:6

Ók wakenestonʼhátie nakenoʼronhkwáhtshera né꞉ne niaʼteweniawenhehtsherásen tehioteresehrásere né꞉ne tsi niháti ne ionhkenorónhkwa ó꞉ni rontewenhnaráhkwah naʼtianerénsehras.

Proverbs 1:8

Konién꞉ʼa satahónhsatat tsi nahò꞉ten eniesahró꞉ri ne iaʼníha tánon saʼnisténha.

Proverbs 16:31

Ne tiakorihwaié꞉ri teniakoterihwaʼserákwahse eniakonhnhé꞉son; ataʼkenhróhkhwa niiakononhkwiseró꞉ten ne shá꞉ka tsi ní꞉ioht kakwenienhstáhtshera teiakoterón꞉ronh te.

Proverbs 2:1

Konién꞉ʼa, satéweienhst tsi nahò꞉ten enkonrihónnien tánon tóhsa nonwén꞉ton sasaʼnikónhrhen tsi nahò꞉ten enkonhró꞉ri tsi nénhshiere.

Proverbs 23:26

Satahonhsí꞉iohst, konién꞉ʼa, tánon tsi kónhnhe satenonwará꞉ko.

Proverbs 31:5

Nó꞉nen rotihnekí꞉ren, enshotiʼnikónhrhen ne kaianerenhseraʼshón꞉ʼa tánon enhshontateʼnikonhrhénhten raotiianerenhseraʼshón꞉ʼa nonkweʼhó꞉kon nahshakotiiaʼtakéhnha.

Proverbs 4:2

Tsi nahò꞉ten kwarihonnién꞉ni ioiánere, sewehià꞉rak ká꞉ti akwé꞉kon.

Proverbs 4:21

Tóhsa nonwén꞉ton sasaʼnikónhrhen. Sehià꞉rak tánon serià꞉ne sateweién꞉ton.

Proverbs 4:5

Saièn꞉taʼn ne attokháhtshera tánon iekakaʼeniónhon! Tóhsa sasaʼnikónhrhen tókaʼ ó꞉ni é꞉ren ahshá꞉wihte tsi nahò꞉ten waʼkì꞉ron.

Proverbs 8:1

Satahónhsatat! Attokháhtshera tiakó꞉nonks. Ne tiorí꞉wa oh naiá꞉wenʼne naiesahronká꞉ten.

Proverbs 9:1

Attokháhtshera iakotenonhsón꞉ni, tsá꞉ta ní꞉kon kaʼnawahatotons ne ioienawá꞉kon tsi karonhkweʼnáhere.

Isaiah 51:17

Í꞉i tie, Í꞉tie! Téstan Ó Jerusalem, í꞉se ne sanekíren thóh ratshanàke ne Roiá꞉ner né꞉ne tehiotnekonthá꞉kwah kátshe ne raonakwáhtshera í꞉ken, wasnekíra kwáh tsiʼnió꞉re nonón꞉wa í꞉ken né nakéra ne tehiakoiatakentónhtha.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Deuteronomy 4:23

Oriwí꞉io tsónhni tó꞉sa sasewaʼnikónhren nateriwaʼseronhniá꞉tshera ne Roiá꞉ner ró꞉son ne sewariwà꞉ke. Sewatewén꞉narak ne raoriwatà꞉tshera né꞉ne tó꞉sa othé꞉nen akénhake nahisewatatiaʼtonhniserón꞉nien,

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 5:16

“‘Sheʼkwénienst ne iaʼníha ó꞉ni ne sanisténha, tsi Í꞉i, ne Watiá꞉ner sewaNí꞉io wakwahró꞉ri, ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te ne tkonhiawí꞉re.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

Deuteronomy 8:1

“Iaʼtesewatatsáhat tsi sewatewénhnarak norihwakwé꞉kon ne kaianerénhseras né꞉tho takwahion nón꞉wa wenhniserá꞉te, ne káti nahitsónhnheke, nahisewentiohkowáhna, ó꞉ni nahisewatié꞉nawatste nohóntsa ne Roiá꞉ner shakorahratstén꞉ni ne ietsisoʼthonkonhkén꞉en.