Proverbs 29:4 - Ohiatonhseratokénti

⁴ Nó꞉nen ronontí꞉io tehotateʼnikónhrhare naterihwakwarihshiónhtshera aorihwà꞉ke, enkaʼshátsteke ne kanakeráhsera, nok tókaʼ ohwísta khók tehoʼnikónhrhare enhentáksaʼte tsi ranákere.

Proverbs 29:4 ပူးပေါင်းရင်းမြစ်များ

2 Samuel 8:15

Káti ne Táwit wahatenontí꞉ioste tsi niwatenáskwah ne Israerʼronónke; tánon ne Táwit ne wahateriwathéntsiate nateriwakwarishióntshera ó꞉ni tkarihwaiéri rononhá꞉ke ne raonkwetaʼshón꞉ahs.

1 Kings 2:12

Solomon thonsahonakʼtháʼkwen ne roʼníha Táwit tsi rononhtí꞉iokwe, tánon ne rahononhtihiótsera ahoshastsʼténhsera kwáh íken tsi iorihwaníronhkwe tsi nikakwatakwènhne.

2 Chronicles 9:8

Tehonwanonhweráton ne Roiá꞉ner Saní꞉io! Tsi nihawenéston tsi nihawerienhtí꞉ios tsi í꞉se wahianonhtí꞉ioste, nasatʼkóraste ne raosénhnakon. Tsioríhwa tsi nisakonorónhkwah ne rahonkwetaʼshón꞉as Israerʼró꞉nons tánon tehotonhontsóni nashakohiatanónsthaʼte tsi nénhʼwe enkénhake, í꞉se wahianonhtí꞉ioste ne raoʼtinonhtí꞉io akénhake né ká꞉ti nahónton nahontasheʼniarothárohke ne kaianerénhsera ó꞉ni ne kaiáneren.”

Job Tánon ne Raoronhiakensera 11:6

tánon kwáh ken ahiaró꞉ri ne ioterihwashé꞉tons raoteʼnikonratokháhtshera! Né꞉tho kwáh tekaiá꞉sere í꞉shi nón꞉we tsi nahó꞉ten askwé꞉ni nasanontónhnionwe tánon nahisaterienhtá꞉rane né꞉tho Ní꞉io tsi kwáh enshonikónhren ne sarihwaneraháktsheras.

Psalms 89:14

Karihwaʼkwarihshión꞉tsera tánon kaiáneren nón꞉we nikenskwáheʼre ne sanitskwáhra; né iorihwaʼtóken kanoronkwáhtshera tánon ne karihwaʼtokentítshera sahén꞉ton í꞉ken né iesarihwaʼkareniénhni.

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Proverbs 14:34

Nón꞉kwe tiakorihwaié꞉ri ne ión꞉nis ne kanakerahserá꞉kon enkanakerahseriióhake kiʼ; karihwanéren tkáhas atehénhsera ne kanakerahserá꞉kon.

Proverbs 16:10

Ronontí꞉io tsi thatá꞉tis Ronhnheʼón꞉we thó꞉wis ne kaʼshatsténhsera; tsi nahò꞉ten enharihwísa tiótkon tkariwaié꞉ri.

Proverbs 16:12

Rotinontí꞉ios iáh thahatiié꞉na ne karihwanéren, aseʼkénh aterihwakwarihshiónhtshera tkáhas ne kakoráhsera akaʼshátsteke.

Proverbs 20:8

Ronontí꞉io tehshakoiaʼtoréhtha tánon roterién꞉tare nó꞉nen enhatkáhtho iáh tetkariwaié꞉ri.

Proverbs 29:14

Tókaʼ ronontí꞉io entehshakóhnhe ne rotí꞉ten ne raotiianerénhsera, karí꞉wes kiʼ enhoterihón꞉take.

Proverbs 8:15

Kheiaʼtakéhnhahs rotinontiió꞉shon nahonterihwahténtiaʼte ne raotikoráhsera tánon ne ratikó꞉ra kaianerenhserí꞉io ahatiianerenhserón꞉ni.

Isaiah 49:8

Né aoríhwa rá꞉ton ne Roiá꞉ner: Nó꞉nen shesaianerásthen tekonrihwaserakwéni, né tewenhniseráteʼkwe ne kaiatakeʼnhá꞉tshera konsnié꞉non; koniatienawáhstonʼne tánon tkonhiawíhon tsi ní꞉ioht naʼterihwaseronhniátshera nonkweʼtakwékon akorihwáke, né naʼkarihwakwathákwenhke nonhóntsa, takaiakhónhionke ne iahontsaiesáhon tionhontsaʼshónhas;

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Daniel 11:20

“Ó꞉ia enshonontí꞉ioʼne, sók ne raonkwè꞉ta ienhotó꞉ri ne tahshakoʼnikonhkáriaʼte ne tsienshakokarahérhase nonkwehshón꞉ʼa ohnaiá꞉wenʼne ne sénha ahokwáhtsheʼne tsi ronontiioʼtsheráhere. Kenʼk nikarí꞉wes sók ne tho ronnontí꞉io enhonwanonhwariàkhon, iáh ne tsi ionkwé꞉ne iáh ó꞉ni ateriiohserá꞉ke eh thaiá꞉wenʼne.”

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

1 Samuel 13:13

Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,