Proverbs 29:2 - Ohiatonhseratokénti

² Takenaʼtón꞉hahs thorihwaié꞉ri ne rakorahseraʼkweʼní꞉io tánon enkonnaʼtón꞉hahse ronatonhnháhere nón꞉kwe. Takenaʼtón꞉hahs ne iáh tetionkweʼtaié꞉ri ne rakorahseraʼkweʼní꞉io enkonnaʼtón꞉hahse nón꞉kwe ne iáh tehonatonhnháhere.

Proverbs 29:2 ပူးပေါင်းရင်းမြစ်များ

Esther 3:15

Ronontí꞉io tsi ní꞉ioht tsi thotá꞉ti akwé꞉kon aiakotó꞉kenhse tsi nón꞉we tkanataʼkweʼní꞉io ne Susa, tánon ne tehonráhtats iahatíhawe kaianerénhsera akwé꞉kon tsi nikanakeráhsera. Ronontí꞉io tánon Haman wahiátien tánon wathiatnekákha, ók ne tsi tkaná꞉taien ne Susa kwáh í꞉ken tsi teioʼnikónhrhare.

Esther 8:15

Mordecai tahaiá꞉kenʼne tsi rén꞉teron ronontí꞉io, ne rotstonhátie ronontí꞉io tsi nihohkweniò꞉ten, oròn꞉ia, karà꞉ken, tánon raoteweiá꞉ra né꞉ne kwáh tkaniaʼtarí꞉io arihwawaʼkonhnéha niwahsohkò꞉ten, tánon é꞉so tsi iohskáhts anòn꞉warore ohwistanó꞉ron. Tsi ká꞉ti iohaténion ne Susa, nón꞉kwe ronatshennón꞉ni tánon tehotihenrehtá꞉ne.

Job Tánon ne Raoronhiakensera 34:30

káti ne iáh teotiniioserá꞉ien iáh teió꞉wenk nahontkóraste, khés ó꞉ni nón꞉ka tesakonaniká꞉rare nónkwe.

Proverbs 11:10

Tsi kaná꞉taien ronatonhnháhere nón꞉kwe ne thotirihwaié꞉ri nó꞉nen tho niiohtonhátie tsi nihotirihò꞉ten, tánon ronatshennón꞉ni nó꞉nen enhonníheie ne iáh tethotirihwaié꞉ri.

Proverbs 28:12

Nó꞉nen ne thotirihwaié꞉ri enhonterihón꞉ten, akwé꞉kon ronatonhnháhere, nok nó꞉nen ne iáh tethotirihwaié꞉ri enhonterihón꞉ten, nón꞉kwe enhontahsehtanion.

Proverbs 28:15

Nón꞉kwe ne rotí꞉ten iáh tehotí꞉ien nahontatiaʼtakéhnha tókaʼ ne raianerenhserón꞉nis iáh tetionkweʼtaié꞉ri; ne shatehonatiaʼtátteron ne kèn꞉reʼks iotonriá꞉ien tókaʼ ó꞉ni ne ohkwá꞉ri tewahkwataséhonhs.

Proverbs 28:28

Nonkwehshón꞉ʼa ronatahséhton nó꞉nen ne iáh tetionkweʼtaié꞉ri enhonterihón꞉ten. Nó꞉nen enhshonwatiià꞉tenhte né꞉ne thotirihwaié꞉ri iontonkweʼtakwaríhshion ohén꞉ton tenhshatí꞉taʼne.

Ecclesiastes 10:5

Kénʼen shé꞉kon nóia tewaterientawenhriéhon wakatʼkáton tsi ionhwenhtsáte—ne tewaterientawenhriéhon né꞉ne rakóra eh nihó꞉shon.

Ecclesiastes 10:6

Ne tsiakotónhnokthe thóh nónhwe nihionthateríhonthe tsi nónhwe nikáien ne kashastsʼténsera, ók ne rothikwáhses, ó꞉ni ne thohʼnatʼtsénnahtes, né nenʼné꞉e ne nitsiotenakthatéha nónhwe nihonaterihóntons.

Ecclesiastes 4:1

Ethòne shé꞉kon sakatkátho oriwahkwékon ne iáh tehioteriwakwaríshions tsi nihiawénsehrons ne kénʼen ionhwenhtsáte. Ne ronhwatironhiakéntha tehonséntʼthos, tánon iáh ónhka tahonwatihiathakéna. Iáh ónhka tahonwatinikonhrahiewénhtʼthoʼte, tsioríhwa ne ronwanathonnhotʼthakwénhnis ne kashastsʼténsera ronónha nokwáhti kaienthá꞉kwen.

Matthew 2:16

Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

Matthew 2:3

Herod ȣahoteronhienten tsi nahoten ȣahariȣaronke, nok kanatakȣekon ne Jelusalem taiontonnekhon.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”