Proverbs 28:5 - Ohiatonhseratokénti

⁵ Nón꞉kwe ne ionkweʼtáksenʼs iáh tehatiienté꞉ri nahò꞉ten nen né꞉ʼe aterihwakwarihshiónhtshera, nok nón꞉kwe ronwahsèn꞉naiens ne Roiá꞉ner kwáh tokén꞉ʼen nen né꞉ʼe rotiʼnikonhraién꞉taʼs.

Proverbs 28:5 ပူးပေါင်းရင်းမြစ်များ

Psalms 119:100

Sénha ishinónhwe niwahkenikonhrahiéntas tsi ní꞉ioht ne tonhnonkwetahions, asèken wahkatienawáston ne saianerénhseras.

Psalms 119:98

Ne satsiawenhrátsera ne wakonhniénhnis nakatenikonratʼthókhane tsi ní꞉ioht ne iónkswenhs akehiatahónsahthate, asèken tiotkonhónhwe ne kháwis.

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Proverbs 2:9

Tókaʼ enhskwatahónhsatate, ensaterién꞉taraʼne nahò꞉ten tkaié꞉ri shaʼténhshiere tánon ne tkarihwaié꞉ri. Ensaterién꞉taraʼne tsi nénhshiere.

Proverbs 24:7

Owennaʼshón꞉ʼa ne wattokhahtsherí꞉io iáh thahotiʼnikonhraién꞉taʼne ne iáh thaʼtehotiʼnikonhráthe iáh oʼthé꞉nen tehotí꞉ien nahò꞉ten ahonní꞉ron nó꞉nen iorihowá꞉nen nahò꞉ten tekatharáhkwen.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 44:18

Iah tehonateriénhtare, khés naotinikonraientásehke; asèken tehatiʼtronhwékon, né ká꞉ti nahónton tó꞉sa ahontʼká꞉to, tánon ne tsi ronhnontónhnions kwáh nonʼnéʼe thóh ní꞉ioht, ne ká꞉ti nahónton tó꞉sa aotinikonraiéntaʼne.

Isaiah 6:9

Tánon wahénron, “Wáhs tánon né kí꞉ken sehró꞉ri nonkweshónhas: ‘Iaʼsewakontakwénhak tsi sewatahónsatat, ók tó꞉sa kí sewathaʼtenikonraientáten; iaʼsewakontakwénhak tesewatʼkatónhnionf, ók tó꞉sa kí sewahtiénawast.’

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

1 Sawátis 2:20

Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.