Proverbs 28:2 - Ohiatonhseratokénti

² Nó꞉nen ne kanakeráhsera enkarihwanéraʼke, tenhonttenión꞉ko ne ronaterihón꞉ton. Enkaʼshátsteke tánon enkatátie ne kanakeráhsera tókaʼ tehotiʼnikonhráthe tánon ronateʼnikonhríhson ne ohén꞉ton tenshatí꞉taʼne.

Proverbs 28:2 ပူးပေါင်းရင်းမြစ်များ

1 Kings 15:25

Né tekeníhaton sihioserathátse sihononhtí꞉ioʼkwe ne Asa né Judah nónhwe, Ronhnontí꞉io Jeroboam roiénha Nadab wahononhtí꞉ioʼne Nisraerʼró꞉nonhke, tánon tehioseráke wahatkórasʼthe.

1 Kings 15:28

Thó꞉ne kí꞉ken thóh nihiawénhen né꞉ne asénhaton siʼhioserathátse shiʼhononhtí꞉ioʼkwe ne Asa né Judah nónhwe. Tánon káti ne Baasha rahónha thonsahonakthákwen ne Nadab tsi sahatenonhtí꞉iosʼte ne Israerʼró꞉nonhke.

Proverbs 11:11

Tsi kaná꞉taien enkahshennowáhnha ne tionkweʼtaié꞉ris enkonwaiaʼtaté꞉rihste, nok ne enkenʼtáksaʼte raotiwén꞉na ne iáh tethotirihwaié꞉ri.

Ecclesiastes 9:15

Ónhkak thóh ienákerekwe kwáh íken tsi tehiontkárhiaskwe, ók kíʼ tsi nióre tsi rahthókhakwe ahionthónhon nahononhsthá꞉thonke ne kanátha. Ók kíʼ kwáh iáh ónhka tehonwehiaráhʼon.

Isaiah 58:12

Né sarihwaʼkahiónsera ne karihwéntʼthon kwáh kí entionhníhaʼke; í꞉se kwáh tenhteskétsko né tsithaʼtitskwáhere ne ronatsiokówah ne wahenekwenhsatátie; Ní꞉se ne eniesanatón꞉kwahke seshewatsironhniénhnis ne tehiaʼkowatsiraríhon, seskwaʼtákwas ne tsi tekanatokénserons né꞉ne ehʼnón꞉we nahonsaienakéreʼke.

Daniel 4:27

Eʼtho káti, Sanontí꞉io, tsé꞉na tsi nenkoniatenʼnikónron. Sáhtkawh tsi nisarihwanerenenhátieʼs, ne tho nátser ne tkarihwaié꞉ri, ó꞉ni saiéntak natanitén꞉ron tsi nonkwá꞉ti ne iakó꞉ten. Eʼtho꞉ne ienwatahshónteren naesaianeráhsten.”

Hosea 13:11

Takónhion ne rontinontí꞉ios thóh nakenakwahtsherá꞉kon, tánon é꞉ren sahihiatenhá꞉wite nakenakwahtsherá꞉kon.