Proverbs 28:1 - Ohiatonhseratokénti

¹ Ne iáh tetionkweʼtaié꞉ri enhonté꞉ko nó꞉nen iáh ónhka tehonwatíhsere, nok ne tionkweʼtaié꞉ri tho nihotiʼnikonhrahtshá꞉ni tsi ní꞉ioht ne kèn꞉reʼks.

Proverbs 28:1 ပူးပေါင်းရင်းမြစ်များ

1 Kings 1:49

Ethòne ne Adonijah ne sakohonhraráwiʼne wahonateronhniénhthen, tánon ratikwékon thonhsahatítaʼne sahonthénhti, satihiatátʼtsons tsi nónhwe nionhsahónhne.

2 Kings 7:15

Né ronnón꞉kwe tsík nió꞉re ne Jordan niahónʼne, tánon kwáh tsi nihiohá꞉hes wahontkatóseron niatʼtserónhnias ó꞉ni tsi nihonsthasónhas ne Syriaró꞉nons ronatsakwahríshions tsi nihonatèkwen. Ethóhʼne thontahónʼne tánon sahonwaró꞉ri ne ronnontí꞉io.

Nehemiah 6:11

Ók tsi niwaton, “Teiotonhontsohon ken ne rón꞉kwe tsi ní꞉ioht ní꞉i nahateko? Tánon teiotonhontsohon ken ne rón꞉kwe tsi ní꞉ioht ní꞉i niahatawehiá꞉te nonnonsató꞉kentikowane nahanónstahte tsi rón꞉nhene? Kwáh kíʼiáh tiá꞉katahwehiate!”

Job Tánon ne Raoronhiakensera 15:21

Kateronhkwáhtseras rothónte ne rahontakónshons; nó꞉nen ne kwáh roianerastén꞉ni ne sakotón꞉tha enhohiató꞉renhne.

Psalms 112:7

Iáh tehatitʼtsánis nahó꞉ten ne karihwaʼhétken karihwanákeres; ne ronhneriáne kwáh í꞉ken tsi iorihwaʼtóken, rotirihwaʼníron tsi nòkwah ne Roiá꞉ner.

Psalms 53:5

Ók kwáh kíʼ enhonateronhniénten, né꞉ne iáh nonwénhton thoʼtèhiot tsi ahonateronhienténhni. Asèken ne Rawenni꞉io teharé꞉niate ne raotistsienshónhas ne ronhwaʼtíshons rahonkwetashónha. Kwáh kíʼ enhonwanatéhate, asèken ne Rawenni꞉io sakotstháshion.

Psalms 53:6

Ó nètho nahotesenhniétsera ne Israel Zion nón꞉we nénhtewe! Nó꞉nen ne Rawenni꞉io ensehsakorihwakwahthákwaʼse tsi nihononnhétie ne rahonkwetashón꞉ha, aiáwens Jacob kwáh kíʼ enhatonhnháren; aiáwens ne Israel kwáh enwatsenhnón꞉ni.

Exodus 11:8

Ne Mahís iahá꞉sa tsi nihatónhnionsʼkwe, “Ratikwékon ne shonkweʼtashónʼa akonhàke nentʼthónhʼne tánon akénton tenhionʼkatentʼtsóhʼthase, tánon enhionkaʼtenekarónhkwen ratikwékon iekhehiaʼténhaf nakonhkwetashón꞉á tánon èhren iákwet. Nenhwatóʼhetste, kwáh èhren ènkethe.” Ethòne kwáh íken tsi ronahkwénʼen ne Mahís thonsahiatekʼkhási ne ronhnonhtí꞉io.

Proverbs 10:9

Ón꞉kwe tiakorihwaié꞉ri skén꞉nen tsi ronnonhtónnions tánon enhotiiaʼtahnirónhake nok ne iáh tethotirihwaié꞉ri enhatiiaʼtató꞉kenʼne.

Proverbs 27:27

Sók ne kontiiaʼtákerahs ionatatén꞉ron entié꞉son onòn꞉ta ní꞉se tánon sahwá꞉tsire ó꞉ni ne konnón꞉kwe iesaióʼtenhse.

Isaiah 30:17

Énska tewenhniawehetsheráhsen nihionkwétake enhiontèko né꞉ne saiáta khók asakoterónhkwen, nahatíʼteronhkwe ne wísk niháti kwáh kíʼ ensewatèko, tsi nió꞉re í꞉sek khók iatetshiʼsathaténron kwáh tsi ní꞉ioht ne wateniataroharákwah ne kaniakarakénhiaʼte ne onotoharakénhiaʼte, kwáh tsi ní꞉ioht ne kaswenhkaró꞉hare tsi ionhniáheʼre.

Isaiah 7:2

Nó꞉nen ne tsi rononshó꞉te ne Táwit wahatirihwáronhke nètho Aram tsi iathonhnitsokwátseste ne Ephraim, ne raweriá꞉ne ne Ahaz tánon ne ronhneriá꞉nes nonkweshónhas wathonhneriashísonʼkwe kwáh tsi ní꞉ioht ne kerítons ne karakonhkówa tehiotʼkarénhron tsi niháhote.

Jeremiah 20:4

Kwáh raónha ne Roiá꞉ner ráwenh, ‘Kwáh enkhonhiónnien ne asatʼthatʼteronkweʼn tánon ne sehwatenrohokónhas, tánon kwáh enséhken ratikwékon enhonwatiʼnonhwarhiakónnion ne ne rahonashareʼkówah énhonste ne tehontátsons. Kwáh ratikwékon nonhkweshón꞉a ne Judah nónhwe thóh nónhwe nenhkhéteron rahoshastsʼtenserákon ne Babylonia rononhtí꞉io; ótiake ienshaʼkohiaténhaʼwe ne rahonakerahsehrákon ne ashakonhóton ók ótiake enshaʼkononhwarhiákon.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Acts 14:3

Ne iateriwanótʼtha kwáh karíhwes thoʼnónwe ieniteróntakwe, kwáh rotiriwaníron tsi Roiá꞉ner ronwatarákwen, raónha wasakoriwaníratʼtse tsi orihwí꞉io íken ne rahonateriwanothátsera ne kénteron neh tsi tasakáwen ne kasatsʼténsera ne éhʼtho naiawénseron ne ioriwanerakwathénions ó꞉ni ne ionerákwat.

Acts 4:13

Ne ronaterihónthon ne Ratitsiénhaiens wahotineráko tsi nihotinikonrhatʼtshá꞉ni ne Tiér tánon ne Sán tsi nahotitókense kwáh thinonkwé꞉a iáh tehonatʼthiaʼtonseraweiénston. Ónenʼki wahonateriéntaraʼne tsi Ié꞉sos ratikwekonhátieskwe.

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.

Deuteronomy 28:7

“Ne Roiá꞉ner enshakoshén꞉ni ne ieshá꞉sons nó꞉nen ieniesatiaʼtón꞉ti. Énskak tsi nón꞉we nenʼthón꞉ne tsi ieniesatiaʼtón꞉ti, ók ki tsík nón꞉we nienhatitátke nenhontè꞉ko.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.