Proverbs 27:8 - Ohiatonhseratokénti

⁸ Nónhka iáh tho té꞉tienʼs tsi nón꞉we tiè꞉teron, ne shá꞉ka ne otsítenha iáh tho té꞉wes tsi nón꞉we tiottsiʼnhahkón꞉ni.

Proverbs 27:8 ပူးပေါင်းရင်းမြစ်များ

Genesis 21:14

Katí Abraham ohrhonʼkéhstsi wahatkétsko, wahshakokhwahserónnien ne Hagar tsi tenwatháhahkwe, tánon né kanéhon iotiaʼtawí꞉ton ká꞉iare wathnekaráhkhwa kahnenhsà꞉ke wahrotáhrhoke tánon skátne ne raksá꞉ʼa tsi wahshakoté꞉kwahthe. Tánon onhtén꞉ti, tánon thóh nón꞉we iaʼonatenʼawíhson ne iaonwentsathenhá꞉ke ne ne Beersheba nón꞉we.

Genesis 4:16

Ethó꞉ne ne Cain é꞉ren wá꞉rehte tsi nón꞉we ní꞉res ne Roiá꞉ner, tánon thoʼnón꞉we ionsahathatiteron tsi tiohóntsaien ne konwanaʼtónhkhwa Nod, né꞉ne tsik karahkwí꞉nekens nokwáti ne Eden.

1 Kings 11:22

“Nonhtsé꞉ren?” ne ronhnonhtí꞉io waharihwanónhton. “Onhkerihwaʼnó꞉ronh ken né thènhnen ahonthakonhiáwiʼke? Né kén ahoríhwa tsi í꞉sehre sanakerahseráhkon niahonshá꞉se?” “Kwáh nék takeríhon thóh niahonsàke,” ne Hadad tsi watorihwaʼseráhkwahse ne ronhnontí꞉io. Ók kíʼ rahonakerahserákon hionsá꞉re. Tsi ronhnontí꞉io íken ne Edom nónhwe, ne Hadad kwáh í꞉ken tsi ronhkwetákʼsenhne, kwáh í꞉ken tsi shakósonskwe Nisraerʼró꞉nons.

1 Kings 19:9

Thóh nónhwe osónhwakon iahátsnente thoʼnónhwe nahasonhtí꞉iake. Thonhtaiawénhstsi ne Roiá꞉ner rahoronhiakeʼró꞉non wahotháraʼse, “Elijah, onhʼnishatséra né kénʼen?”

Proverbs 21:16

Kenhé꞉ion iakohrhá꞉re nónhka é꞉ren èn꞉ienhte ne kaʼnikonhrí꞉io.

Proverbs 26:2

Aiesakenhrenʼserón꞉ni iáh thaiesakaré꞉wahte tsik tókaʼ tesatèn꞉tshon. Tsi ní꞉ioht ne otsítenha kotitse tánon iáh thaʼtakontà꞉senhte.

Proverbs 27:7

Nó꞉nen sáhton, iáh tháhseke otsiʼnahkontahkwá꞉ne ótsikheta, nok nó꞉nen satonhkáriaʼks, iawerohátien ne iotskà꞉ra ne kákhwa teiotsikhè꞉tare tsi énhseke.

Isaiah 16:2

Kwáh tsi ní꞉ioht ne tewatewehiaríkʼkons otsithénha, tsi ní꞉ioht ne tehiotʼtókwen otsinákwah, kwáh kí né꞉ne akohiohʼokónhas ne Moab tsi nón꞉we natsiakʼtónhties ne Arnon nón꞉we.

Jonah 1:3

Nok ne Jonah waʼthátaʼne, aktéʼstsi nokwá꞉ti niahá꞉re ahotéhkwaʼse ne Roiá꞉ner. Tsi tkonhrahrhóstha ne kahonwé꞉ia né ne Joppa nón꞉we niahá꞉re, wahahonwatshén꞉ri tkahónionte ó꞉nen thó꞉ʼa aonthonwanentáhsi né ne Spain niaʼawenonhátie. Wahaká꞉riake tsi tenhaiá꞉iaʼke ne kaniataraʼkehkó꞉wa. Iahatí꞉ta ne kahón꞉wakon skátne ne kahón꞉wakon rotiióʼte ne ahontshiró꞉ten ne Spain niahón꞉ne, ne eʼtho nón꞉we wárehre iáh nenʼné꞉e ne Roiá꞉ner, iáh tho tiarésheke.

1 Corinthians 7:20

Tsi sehwahiatátʼtion aówenk thóh naitionʼnoténhake tsi nitiotón꞉ne tsi wesewahriwahnónweh꞉ne ne Rawenni꞉io shiahtsisewáhnha꞉ne.

Jude 1:13

Né teshontiéren tsi ní꞉ioht ne ionontakwarontáties ne kaniatarakekówa, ne thitʼkahé꞉re natehén꞉sera tsi nihathiweiennótens thóh ní꞉ioht tsi iokethótha tsi ní꞉ioht nhoʼwahsʼtha. Thóh nihatiiatoten tsi ní꞉ioht ne otsísto thiioháwis, tsi nisakonatʼtaráh꞉kwenni ne Rawenni꞉io tsi non né kwáh tehtiokaraskówa.

1 Samuel 22:5

Eʼthóhʼne ne rotó꞉kense Gad wahawénhase ne Táwit, “Tó꞉sa kénʼen tsi otstenrakáronhte tsiterón꞉tak; shaʼtiákenk, tánon thóh niaʼháse tsi tsohontsáien ne Judah.” Káti ne Táwit éhren sárehte, tánon thóh iathaʼterawéheste ne Hereth nón꞉we.