Proverbs 27:22 - Ohiatonhseratokénti

²² Ók ó꞉ni tókaʼ wahonwanonwenhserário tsi niió꞉re ne kenheiá꞉tne, ne tehonatenonhwarorí꞉tonte shé꞉kon kiʼ iáh thaʼtahsheté꞉ni tsi tehonatenonhwarorí꞉tonte.

Proverbs 27:22 ပူးပေါင်းရင်းမြစ်များ

1 Kings 13:33

Né Ronhnonhtí꞉io Jeroboam shé꞉kon kíʼ iáh tehatkáwas tsi nihaweienhnák꞉sens ók iehokonhthákwen shaʼkohiatarakwenhátons né꞉ne thikánionk kawátsires né ahonterihwatsʼtérisʼthe ne ietsienharákwas rohsahánion. Waʼsakorihwaníratʼtse kwáh tsík ónhka náienre ahontʼtsihenstónhni.

Exodus 12:30

Né wahʼshonhtháteʼkwe, ne ronhnonhtí꞉io ó꞉ni ne rahonkwetashón꞉ʼas, ó꞉ni ne roʼnáhtsiakes ne Egyptró꞉nons waʼhonwatíʼhiete. Kwáh íken tsi onhtsaró꞉ko kwáh tsi nonwéshon ne Egypt, tsioríwa tsi iáh ne skanónsa ónhka iakowiraiéntaʼkwe ne raksáʼa ne iáh tahaʼwenhéionhke.

Exodus 14:5

Nónenhʼne ne ronhnonhtí꞉io ne Egypt sahonwaró꞉ri nʼètho onhkweshón꞉ʼa tsi roʼtiniaʼkènhʼen, rahónʼa ó꞉ni ne rahonkweʼtashón꞉ʼas thonsahoʼnahteriwaʼténien tánon wahonníron, “Ónh nihionkwatiéren? Waʼhithiríhon ne lsraerʼró꞉nons nahaʼtiniákenʼne, tánon wahonkiniá꞉kenhse tsi iethinaskónhnisʼkwe!”

Exodus 15:9

Ne roʼnatswénhskon wahonhníron, ‘Enhiaʼkísehre tánon enhiatʼkhiʼhiéna; Thenʼtiaʼkhónʼnion ne rahoʼnatʼtsokowáhtshera tánon iénkhaʼwe kwáh tsi níkonh tewakaʼthonwenhtsóni; Entkasaró꞉tsion nʼakasareʼkowa tánon akwékon iénkhaʼwe tsi nahoʼtiién꞉taʼke.’

Proverbs 14:24

Nón꞉kwe ne ionteʼnikonhrattókha kakwahtshéhsera teniakoterihwaʼserákwahse, nok ne rotinonhwaró꞉ri tho ní꞉ioht tsi ronwatiienté꞉ri tsi tehonatenonhwarorí꞉tonte.

Proverbs 23:35

“Kwáh í꞉kehre oʼthé꞉nen ónhte tewakkwáhton,” enhsì꞉ron; “Í꞉kehre ónhkaʼk ionkerióhshion, iáh kiʼ teké꞉iahre. Oh nekén꞉ʼen nontié꞉ren tsi iáh tétieʼs? Teiotonhwentsóhon shé꞉kon naonsahknekí꞉ra.”

Proverbs 26:11

Ne tehotenonhwarorí꞉tonte tekeníhaton tenhaʼnióhskenʼne ne shá꞉ka ne è꞉rhar eʼthó niaʼonsá꞉we én꞉wake tsi nón꞉we tiotstí꞉kon.

Isaiah 1:5

Onhniʼiotsiéren ní꞉se tsi takonhniénhnis nakonhnonwenhsehrário? Ónh niʼiohtsiéren tsi iesakonhtákwen naskatkónten? Kwáh sanonhtsistakwékon thiʼtsioróhron tsi ióhto, tánon sehriasakwékon tsi iononwáktani.

Jeremiah 13:23

Ahiekwéni onhtèken ne onhkweshón꞉a tahietéhni tsi nihionsohkóten ne akonhéhont, tó꞉ka ó꞉ni ne tahkoskóhwa ne iohrahkwahrónnions ahonthónthe tsi iohrahkwahrónnions? Tó꞉ka ahiekwéni, í꞉seh ne nék khók sehwahiote ne kariwahétken ahónton nahisehwahweientéthaʼne né sehwahióten ne tkarihwahiéri.

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

1 Samuel 19:21

Nó꞉nenh ne Saul saonwaronkáten, ó꞉ia ratiriwakaréhnies ionshasakoténiente, tánon kwáh ó꞉ni ronónha tiathononhnaríkʼkon. Ne Saul shé꞉kon thihátite ratirihwakarénies ionshasakoténieʼte ó꞉nenh ne ne ahsénhaton niahontératste, tánon ronónha ó꞉ni watonnonhnaríkʼkhon.