Proverbs 27:1 - Ohiatonhseratokénti

¹ Tóhsa só꞉tsi orihwí꞉io són꞉ni tsi kén꞉ʼen ahsé꞉sheke nenióhrhenʼne aseʼkénh iáh tesaterién꞉tare oh nieniá꞉wenʼne nón꞉wa tánon ne thó꞉ne.

Proverbs 27:1 ပူးပေါင်းရင်းမြစ်များ

1 Kings 20:11

Né Ronhnonhtí꞉io Ahab thonsaharihwaseráko, “Tsróri ne Ronhnonhtí꞉io Benhadad né kwáh sóhtar nahahiathó꞉then thóh né khók thonathaterénsaron né nó꞉nen rotkwénion naterihiósera, iáh nohénton.”

Esther 5:12

“Shé꞉kon ó꞉ni,” Haman wahshakohró꞉ri, “Ionontí꞉io Esther waʼkakhwá꞉ren onkeʼnonhá꞉ʼa ronontí꞉io tánon í꞉ʼi waʼonkenihón꞉karon shé꞉kon enióhrhenʼne eʼthó saiáke꞉ne.

Psalms 95:7

Asèken rahónha nonkwahʼNí꞉io í꞉ken, rahónha rahonkwetaʼshón꞉has ionkwahtón꞉on rahónha teshonkwahriwásnieʼse, tsi kíʼ natesakoriwásnieʼse ne teiotinakaronhtónha. Sewatahónsatat nón꞉wa wenhniseráte tsi nahoténsons ratónhnions!

Ecclesiastes 8:7

Iáh ónhka tsi nítsion tehionkwateriéntare tsi nenhiá꞉wenhne, tánon iáh ónhka tahionkhiró꞉ri.

Isaiah 56:12

“Ká꞉sewe,” rónton, “Ánion onenhará꞉keri tewanekakóha; Ánion né tewatatʼnekíras ne kwáh kanekashátsʼte. Tánon nenhiórenʼne thóh nenhwenhniserothénhake tsi kí nón꞉wa niʼwenhniseró꞉then, tehiotenonʼianíton iáh tsehiótokʼte.”

2 Corinthians 6:2

Kahiatonhseratokénhti wathró꞉ris tsi Rawenni꞉io rá꞉ton: “Ó꞉nen iaʼkáhewe waʼkoniatahónhsatate tánon tsi ó꞉nen waʼtisatonhontsóhse aiesaiaʼtakéhnha, tá꞉ke tánon waʼkonniakénhte.” Ó꞉nen iaʼkáhewe ón꞉wa wenhniserá꞉te ne akonniakénhte.

1 Samuel 28:19

Sénha í꞉si nón꞉we ne Roiá꞉ner kwáh ní꞉se tánon ne Israel thóh iènsewathátehre rontshanákes ne Philistines; tánon nenhió꞉renhne ní꞉se tánon ne sanekenterontserashón꞉ahs kwáh í꞉i entewakwékahne; ne Roiá꞉ner kwáh ó꞉ni ne Israel raotitsió꞉kwas ne ronterí꞉ios thóh ienhonatátere rontshanákes ne Philistines.”