Proverbs 26:24 - Ohiatonhseratokénti

²⁴ Nónhka teiekonhsotáhkwen ionséhtha atswènhsera, karenhsarónhtshera owennaʼshón꞉ʼa énhontste.

Proverbs 26:24 ပူးပေါင်းရင်းမြစ်များ

Genesis 34:13

Ne raonekenhteronʼtsheraʼshón꞉ʼahs ne Jacob kwáh í꞉ken tsi wahatiʼnikónhrhaʼte tsi ní꞉ioht tsi waʼthonwarihwaʼserákwahse ne Shechem tánon ne roʼníha Hamor, tiorí꞉wa ne Shechem shakotehá꞉thon ne rontenoʼsénha Dinah.

2 Samuel 13:26

Ehʼthó꞉hʼne ne Absalom wahénron, “Tòkaʼ iáh, tieríhon kíʼne iatiatatekénʼa Amnon nahiá꞉kwe.” Ne ronnontí꞉io wahawénhase, “Onhnontiéren tsi ó꞉nek tsi kwáh raónha ahí꞉sewe?”

2 Samuel 13:27

Ók ne Absalom iehokontákwen tsi nió꞉re ne Amnon tánon ratikwé꞉kon ne ronnontí꞉io raonekenteronhtserashónʼahs ne raónha ahónhne. Ne Absalom wahatenhnió꞉ten kwáh tsi ní꞉iot ne ronnontí꞉io tsi ratenhniót꞉tha.

2 Samuel 20:9

Ne Joab wahawénhase ne Amasa, “Iohianeratséken ní꞉se, tiatatèken?” Tánon ne Joab saweientetákwen nahanenhtiáti tsi iahaiéna tsi teokonstón꞉ronhte ne Amasa tsi wathonoronhkwáʼhnion.

Nehemiah 6:2

Ne Sanballat tánon ne Geshem tahonwanatori nakonhá꞉ke iatonhnionʼs, “Káts, ahion tewák꞉kenhnisa skát꞉ne tho kanatakon ne tsi niahonrakwaièn ne Ono.” Ók ronatenikonrón꞉nihatseskwe ne karihwahét꞉ken tsi nahiontierase.

Psalms 12:3

Aiáwenhs ne Roiá꞉ner ahá꞉iake akwékon tsi nihontenaiestha né ratisáke tsi naʼtehonenhnashatsikhétare, né nawenhnáson ne iónhnis kowánen karenhsarónhtsera,

Psalms 28:3

Tó꞉sa iataʼtiatíser skát꞉ne ne ronhnonkwetahét꞉kens, né꞉ne tsi niháti roʼtihiótenhs ne kariwák꞉sen, né꞉ne roʼnón꞉ha skénnon tsi sakothiʼtharáni ne tehonhnonsanekʼkhánions, ók kaʼrihwaʼhetkénhsera í꞉wa ne raonerhiáne.

Psalms 41:6

Tánon nó꞉nen entionhkehnathenhrénhsehra, iáh othènon tekarihwástha tsi nahoténshons ronthónhnions, né rotirihwaʼró꞉ron ne iáh tekarihwí꞉ios ní꞉i akerihwáke; nó꞉nen iensatihiákenʼne kariwaʼhét꞉ken tenhonterihwaʼréniate nakerihwáʼke.

Proverbs 10:18

Ónhka ionhséhtha atatswénhsera iakonó꞉wen. Ónhka teionterihwarenià꞉tha tánon teierihwenhawíhtha iakononhwaró꞉ri kiʼ.

Proverbs 11:1

Roiá꞉ner ráhswens nónhka ieʼnikonhrhá꞉tha naiehkonʼtsherihá꞉ren. Rotonhnháhere nónhka tkaié꞉ri tsi ni tsi iekonʼtsheriháhrha.

Proverbs 12:17

Nó꞉nen tkaié꞉ri tsi nahò꞉ten entehsatá꞉ti, aterihwakwarihshiónhtshera kiʼ enwatkwé꞉ni nok ne onó꞉wen nek né꞉ʼe tkáhas ne iáh teioterihwakwaríhshion.

Proverbs 12:20

Nónhka ronteʼnikonhrón꞉nis ne karihwahétken kwáh í꞉ken tsi enshontateriʼwáhtsten, nónhka iakoióʼte ne ioiánere enietshén꞉ri atonhnharáhtshera.

Proverbs 12:5

Nón꞉kwe iakorihwakwaríhshion ioiánere tsi teniesarihwáhshnieʼse; nónhka iáh tetiakorihwaié꞉ri nek ne aiesaʼnikonhrhá꞉ten.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 23:7

Wahèn꞉ron, “Háʼo shé꞉kon sasatatéhrhahs,” iáh kiʼ tho tehorihò꞉ten, aseʼkénh tsi nahò꞉ten ranonhtónnion tho kiʼ ó꞉ni nihaiaʼtò꞉ten.

Jeremiah 9:4

Kwáh tsi niaʼtehionkwétahke tsi enhonthatennikonhráhren tsi nòkwah ne rontenroshón꞉a, tánon iáh ónhka thahónton nahontahonwenhnéthaʼkwe ne rahothiwáhtsires; asèken rathikwékon ne rahothikwáhtsires thóh nihathinikonhráhtha tsi ní꞉ioht ne Jacob, tánon kwáh onhkwetahkwékon sahkotinikonhrahkareʼwáhtha ne rontenroshón꞉as.

1 Samuel 18:17

Eʼthóhʼne ne Saul wahawénhase ne Táwit, “Kénʼen í꞉iens ne tiekowánen kheién꞉a Merab; kwáh enkatʼtónhthate nakahónha ne seksténha ahiónton; nék khók tsi sanikonratiaʼnitónhak nakeriwáke tánon saterí꞉ios ne Roiá꞉ner raoteriʼióseras.” Asèken ne Saul wárehʼre, “Kwáh ní꞉i iáh tiaʼtahiʼianisnónhsaren; áhnion ne ne Philistiaró꞉non kén niehó꞉ier.”