Proverbs 26:21 - Ohiatonhseratokénti

²¹ Ohswèn꞉ta katsí꞉rakatste, ó꞉iente enhshientóntho eniotékhake kiʼ tánon ó꞉ni ne ronnéhsaks ne tahonterihotáhrho ratinón꞉weʼs aiónhnheke ne taionterihwakén꞉ni.

Proverbs 26:21 ပူးပေါင်းရင်းမြစ်များ

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

1 Kings 12:20

Nó꞉nen nonhkweshón꞉as Nisraerʼró꞉nonke sahatirihwáronhke né Jeroboam Egypt nathethawénon, wahonwahónhkaron nonkweshón꞉as skát꞉ke ahontkenhnísa tánon rahónha wahonwanontí꞉iosthe Nisraerʼró꞉nonke. Kwáh nék khók tsi ratitsiókwaien ne Judah shonwatirihwakweʼniénsthakwe ne Táwit rahowátsires.

Psalms 120:4

Né énraste ne ronhterí꞉ios raotiʼiénhkwires ne iohiotí꞉ies tsi entsisewahrónhtate tánon ne ensehwatsiaʼtáttsahate ne kwáh ioswenhtatharíhens!

Proverbs 10:12

Kahswènhtshera nek tkáhas kaʼnikonhrharáhtshera, nok kanoronhkhwáhtshera tsoʼnikónhrhens akwé꞉kon nahò꞉ten iakoʼnikonhraksá꞉tha.

Proverbs 15:18

Ne ienaʼkwahseró꞉hen tkáhas ne taieriʼwakéhnha, nok ne iakoʼnikonhrí꞉io tkáhas ne skén꞉nen.

Proverbs 29:22

Nón꞉kwe ienaʼkwahseró꞉hen tkáhas wé꞉so ne taionterihwakén꞉ni ó꞉ni kaʼnikonhrharáhtshera.

Proverbs 30:33

Tókaʼ ne kawistohserókwen tahsawénrie, owistóhsera ienwá꞉ton. Tókaʼ ónhka enhsheʼnionhsáiaʼke, entkanékhwa. Tókaʼ ónhka enhshenaʼkón꞉ni, enhsataterihwaká꞉tatshe kiʼ.