Proverbs 25:2 - Ohiatonhseratokénti

² Ehtshitewarihwakweniénhstha ne Rawenni꞉io tsi nahò꞉ten shonkwarihwahsehtén꞉ni; ietirihwakweniénhsthat ne rotinontiió꞉shon tsi nahò꞉ten tehatirihwathé꞉tha.

Proverbs 25:2 ပူးပေါင်းရင်းမြစ်များ

2 Samuel 1:5

Eʼthóhʼne ne Táwit wahoriwanóntonhse ne kennithoiónha tsi rahón꞉ha roriorhiánions, “Onh ní꞉ioht tsi sateriénhtare nètho Saul ó꞉ni ne roién꞉ha Jonathan tsi ronenhé꞉ion?”

2 Samuel 14:19

Ne ronnontí꞉io wahén꞉ron, “Joab ontèken wahiaró꞉ri neh ne kí꞉ken ashiʼrónhnion?” Ne iónkwe wakʼkariwaserá꞉ko tánon wakén꞉ron, “Tsi niʼioriwí꞉io tsi nisón꞉nhe, natiá꞉ner ne ronnontí꞉io, iáh ónka taiekwéni ne tahonsaiekaraténi ne thènen nètho natiá꞉ner ne ronnontí꞉io ahawénhke. Asèken í꞉se sanhátsera Joab raónha rakenhá꞉hon; kwáh raónha róthen akwé꞉kon kíʼ owenhnaókons thóh tsik sakáronhte.

Ezra 4:15

entewathenhná꞉ne nawesakónhke ne kahiatónhseha né꞉tho sehsothonkonhkén꞉en ronateweién꞉ton. Tó꞉ka thóh nénhsehre, ensehrihwatsénhri né꞉tho kí꞉ken kanatowanénke tsi kwáh tió꞉konte tsi shiwaterihiosehranónhwe tánon kwáh shihiorihwaká꞉ion tsi tehiakonikonhrá꞉rahkwe ne rontinonhtí꞉ios tánon ne ratikó꞉ras ne tsi kanakerahseraké꞉rons. Nahonkweʼtashón꞉as kwáh ki tiotʼkonhón꞉we tsi wenhtó꞉rekwe nahonwanatró꞉rasthe. Ne ki aorì꞉wa ne kanatowanénhke tsi konhwarihwathónhton.

Ezra 4:19

Wakathénhnane nakarihwisákonhke, tánon kwáh orihwí꞉io ioterihwatʼtsénhrion ne kwáh sihiorihwaká꞉ion ne Jerusalem tsi iakonenhrotaní꞉hakwe tsi nokwáh ne kanonhtiió꞉tshera ahohianerénhsera tánon ki kwáh titkanenhrá꞉rakwe ne tehatinenhraríhtha tánon ne ratirihwanón꞉we.

Ezra 5:17

“Ki nón꞉wa, tó꞉ka asatʼthontátseke Sanonhtí꞉io, ahkarihwisákhonke ne kanonhtiióhtshera tsi ratihiatonhsheraienthákwas ne Babylon nón꞉we nakarihwatʼtsenhriónhke tó꞉ka ken iáh ne Rakoraʼko꞉wa Cyrus shakohianerenhserá꞉wi kí꞉ken Ononsatokentihkó꞉wa nahonsakanonsónhkine ne Jerusalem nón꞉we, tánon ethò꞉ne ahonsaskwahronhkáten tsi ní꞉se nisaʼnikonhró꞉ten kí꞉ken nahorihó꞉ten.”

Ezra 6:1

Káti ne Ronhnontí꞉io Darius wahahianerenhseríhsa nakarihwishákhonke ne tsi ratihiatonhseraientháhkwa ne kanonhtiiótsera tsi nón꞉we niwateweiénthons ne Babylon nón꞉we.

Job Tánon ne Raoronhiakensera 29:16

I꞉iʼ ne kanísera kèn꞉ne tsi nokwáh ne iakothenténion, tánon í꞉iʼ wakaterí꞉iose ne raotiianerénhseras ne thiohnonhontsá꞉tes.

Job Tánon ne Raoronhiakensera 38:4

“Kaʼnón꞉we ní꞉seskwe nó꞉nen shakisthenrakwéntaro ne tsi kenskwáhere tsi ionwenhtsá꞉te? Tatró꞉ri, tó꞉ka sá꞉ien ne kaʼnikonhraientátshera.

Job Tánon ne Raoronhiakensera 40:2

“Kwáh ken ne ronenhrotánis ne Roshatstenhserowanenhkó꞉wa kwáh ken enshotakwahrí꞉shi? Ónhka ne tanirihwakénha ne Rawenni꞉io ó꞉nenk tsi tenharihwaʼserá꞉ko.”

Job Tánon ne Raoronhiakensera 42:3

Waskeriwaʼnón꞉tonse, ‘Ónhka neh ki꞉ken ne rasehtha ne karihón꞉nienhnitshera nene kwáh iáh othé꞉nen teken nattokhatshera?’ Né káti ne waʼkatatiá꞉te tsi naʼhó꞉ten ne iáh tewakenikonrá꞉ientas, tsi naʼhó꞉thenshons ne shó꞉tsi iorihwanerakwahtenions nakerí꞉wake, nétho iáh tewaʼkateríen꞉tare.

Proverbs 25:27

Só꞉tsi wé꞉so ne otsiʼnahkontahkwá꞉ne oʼtsikheta iáh teioiánere ne sarihwà꞉ke. Ók ó꞉ni tókaʼ ahsateʼnién꞉ten ne wé꞉so taiesarénhsaron, iáh teioiánere.

Proverbs 25:3

Iáh nonwén꞉ton tesaterién꞉tare nahò꞉ten ranonhtónnions ne ronontí꞉io iáh oniʼ tshiaietewáhewe nahò꞉ten ranonhtónnions, ne taié꞉ren tsi nitiótte ne karonhià꞉ke tánon tsi niiohnó꞉teʼs ne kaniataraʼkehkó꞉wa.

Ecclesiastes 1:13

Iewakenikonhrakonhthá꞉kwen tsi entkenhenhion ó꞉ni enkatéweiensthe oriwahkwékon tsi nikahioténhen ne kénʼen ionwenhtsáte. Rawenni꞉io rokèron ne ioteríhonkok tsi nahionkwahiátawen.

Deuteronomy 29:28

Tánon káti ne Roiá꞉ner wahotenakwawenhráʼtse, tánon ne kowá꞉nen rahonakwáhtshera é꞉ren washakohiaʼtenhá꞉wite ne rahononhontsá꞉kes tánon thihiohontsá꞉te nón꞉we iashakohiatón꞉ti, tánon tho nón꞉we nihatinákere nón꞉wa wenhniserá꞉te.’

Deuteronomy 29:29

“Tokára nikarihoʼténhsons ne Roiá꞉ner onhkwaNí꞉io roriwaséhtons; ók ki rorihotháshions ne rahohianerénhseras, tánon onhtsionhá꞉ʼa ó꞉ni tsi wetewawatsiratátie tsi entewatewénhnaraʼkwe né꞉ne tsi nén꞉we.