Proverbs 24:7 - Ohiatonhseratokénti

⁷ Owennaʼshón꞉ʼa ne wattokhahtsherí꞉io iáh thahotiʼnikonhraién꞉taʼne ne iáh thaʼtehotiʼnikonhráthe iáh oʼthé꞉nen tehotí꞉ien nahò꞉ten ahonní꞉ron nó꞉nen iorihowá꞉nen nahò꞉ten tekatharáhkwen.

Proverbs 24:7 ပူးပေါင်းရင်းမြစ်များ

Job Tánon ne Raoronhiakensera 31:21

tó꞉ka tahonktsikwatení꞉honhke rononhá꞉ke ne teiontonhnakárias, tiorì꞉wa tsi wakatkáto tionkatswánonhne ne tsi iotenhenrakáronhte rónhnes;

Job Tánon ne Raoronhiakensera 5:4

Ne sakothihioʼokón꞉as ahinonhkó꞉wa tón꞉nes ne skén꞉nonk akénhake, wathonwanaskwáhseron ne tsi iothenhenrakà꞉ronhte, tánon ne nón꞉we iáh ónhka thahontahonwá꞉tine.

Psalms 10:5

Tsi nihaweienó꞉ten kwáh tiókonte tsi roʼhianerasthénis; ne sarihwenhthátseras kwáh í꞉ken tsi tiótʼte, aí꞉nonh nió꞉re ítken ne rahonháke; tsi nòkwah ne tehontátʼtions, sahkonitskeró꞉seras.

Psalms 127:5

Rotáskats ne rónhkwe ne titká꞉here ne tsi rahienkwirahrá꞉kwah. Iáh tahonwatéhaʼte nó꞉nen thenhatithá꞉ren ne ronhwásons ne tsi iothenhenrakáronhte.

Proverbs 14:6

Nón꞉kwe ne iontatkweniénhstha iáh nonwén꞉ton thaʼtaiakoʼnikonhrátheʼne, nónhka ionteʼnikonhrattókha watié꞉sen naieweientéhtaʼne.

Proverbs 15:24

Nón꞉kwe ne teiakoʼnikonhráthe ne enionthahíta ne iónhnhe ne è꞉neken nieiawé꞉non, iáh ki tsi niiohahó꞉ten ne ehtà꞉ke ne nieiawé꞉non kenhé꞉ion.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 17:24

Nónhka teiakoʼnikonhráthe iaʼteieká꞉nere ne tkarihwaié꞉ri tsi naióntiere, nok ne teiakotenonhwarorí꞉tonte iáh nen né꞉ʼe thahanonhtonnión꞉ko tsi nón꞉we wahawenonhátie.

Proverbs 17:7

Nón꞉kwe iakotonkweʼtatkwénienhs iáh teiakonó꞉wen, nón꞉kwe ne teiakotenonhwarorí꞉tonte iáh shaʼtékena té꞉ken nahò꞉ten enhonní꞉ron.

Proverbs 22:22

Tóhsa ehtà꞉ke sheión꞉ni ne rotí꞉ten só꞉tsi kenh sakwénion; tóhsa ó꞉ni ehtà꞉ke sheión꞉ni ne iáh thahatikwé꞉ni nahontatiaʼtakéhnha tsi tehshakotiiaʼtorehtáhkhwa.

Proverbs 28:5

Nón꞉kwe ne ionkweʼtáksenʼs iáh tehatiienté꞉ri nahò꞉ten nen né꞉ʼe aterihwakwarihshiónhtshera, nok nón꞉kwe ronwahsèn꞉naiens ne Roiá꞉ner kwáh tokén꞉ʼen nen né꞉ʼe rotiʼnikonhraién꞉taʼs.

Proverbs 31:23

Akwé꞉kon niehonwaienté꞉ri ne ró꞉ne ne tsi roteríhonte ne raotiná꞉takon.

Isaiah 29:21

nón꞉ka neh aiakoriwahióten nón꞉kwe aiakó꞉ti ne kaianerenhseràke, nón꞉ka ne ronhwateristaiénhni ne rarihwénhtha ne tsi iothenhenrakáronhte, tánon né iáh othènon tahontakarihónhniaʼte ahiontonhníhen ne karihwakwahrihshiónhtshera tsi nikáien ne tseiérits.

Isaiah 32:6

Asèken ne tsiakotónhnokʼte tsi iontátsis tehiotenonwaroríhtonhte, tánon né rontenikonhrón꞉nis ne karihwahneraháktshera: né ahothihióten ne iáh tehioterihwaʼkwahríshion í꞉ken, né ahiontháksaʼte naterientaweriéntshera nahonwanikonrakaréwaʼte ne Roiá꞉ner, né ronnonweʼsáta nasakonatewénhtethe ne iontonkáriaks nahotiʼrihwátsaʼses, tánon ne tasakotiʼnonhiánitse ne iakoniatákʼtens tsi nihienekíra.

Amos 5:10

Ronwáhsons tsi niká꞉ien ne rátʼretsárons tsi iothenhenrakáronhte, tánon ronwáhsons tsi niká꞉ien ne rotarákwen norihwí꞉io.

Amos 5:12

Asè꞉ken wakaterièn꞉tare tsi niwé꞉so ne sewarihwaneraháktsheras, tánon tsi natehiotenonhianí꞉tons ne sewarihwaneraháktsheras— í꞉se ne ietsironhiakéntha ne tionkweʼtaié꞉ris, teietsitsikʼkhetaró꞉se, tánon ákta ne tsi iothenhenrakáronte iehietsí꞉reks ne iakóthen.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

1 Corinthians 2:14

Ónhka ne iáh tehonwahtienawáston ne Ronikonratokénti iáh tahónton nahieiénah nahtathawítshera tsi nitewétha ne Rawenní꞉ioke raoshastsʼtenserákon. Né nihionkweʼtóten kwáh iáh tehiakonikonraiéntas, tánon thóh ní꞉ioht tsi ietsénries tahiotenonwahroritóntahke, ne khók tahonwahtihiatoréthakwe tsi nihatisénna kwáh nek tsi ronónnhe.