Proverbs 24:5 - Ohiatonhseratokénti

⁵ Ne sénha ioiánere ne aionttókhake tsi ní꞉ioht ne aieʼshátsteke; hen, teiakoʼnikonhráthe sénha tkaiaʼtakweʼní꞉io tsi ní꞉ioht ne kaʼshatsténhsera.

Proverbs 24:5 ပူးပေါင်းရင်းမြစ်များ

Psalms 84:7

Waʼhontóhetste ne waʼthenhenraiéntons nosténhras; “Rahónha ne Rawenni꞉io kwáh tsesakowenní꞉io nakorénhshons niʼiohokónhas.”

Proverbs 10:29

Roiá꞉ner shakoiaʼtanónhstats ne iakorihwakwaríhshion, nok enshakorihwáhtonʼte nónhka iáh tetierihwaié꞉rits.

Proverbs 21:22

Rahsotahrhakweʼní꞉io tókaʼ rattokhahtsherí꞉io enhakwé꞉ni ienhanaténhawe iawerohátien tsi né꞉ne kwáh ratiʼshátste ne rontenatanónhnha, tenhahrihtánion otstèn꞉ra tetewahsonhtó꞉ton né꞉ne kwáh ratiniahesén꞉ne.

Proverbs 24:6

Tsi nikarihó꞉ten, teiotonhwentsóhon ohén꞉ton ahsateʼnikonhrísa ohén꞉ton tsi niió꞉re ahsateriióhshera, tánon sénha wé꞉so karihwí꞉io aiesaʼnikón꞉ron eʼthó kiʼ néntewe nahsatkwé꞉ni.

Proverbs 8:14

Eʼthó nitiéhrha tsi nahò꞉ten kateʼnikonhrón꞉nis. Wakeʼnikonhraientátskon tánon keʼshátste.

Ecclesiastes 7:19

Natenikonhratʼtokhátshera sénha ne iakoiénawase nónhkwe tsi ní꞉ioht ne oiéri nahatíhake ratikoráhsons tsi nahatí꞉iere ne kanatowáhnen.

Isaiah 36:5

I꞉sere onhtèken owénhna khók karihwástha nahiontenikonrón꞉niaʼte tánon nahoshatsténhsera nateriʼiósera? Ónhka ká꞉ti ó꞉nen seniaʼhésen, tsi naskatʼkarahténi?

Isaiah 40:31

ók tsi niʼiákon ne ronhwá꞉rahre ne Roiá꞉ner kwáh kí á꞉se ensewáton ne raoʼtisatsténhsera, kwáh kí tenhhatiʼnerahhontʼtsiónhtaʼne tsi ní꞉ioht nakweksʼkówas, kwáh kí tenhhonrátaʼte tánon iáh kí thaʼtaatiwisénheʼie, kwáh kí thenhontekháʼhakwe tánon iáh kí tahontesatsʼtenhserót꞉ten.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.