Proverbs 24:24 - Ohiatonhseratokénti

²⁴ Tókaʼ enhonní꞉ron iáh teiakohnhí꞉kon tánon iakohnhí꞉kon ne akarihón꞉ni akwé꞉kon enhonwatikenhrenʼserón꞉ni tánon enhonwatíhswen.

Proverbs 24:24 ပူးပေါင်းရင်းမြစ်များ

Proverbs 11:26

Ón꞉kwe enhonwakenhrenʼserón꞉ni nónhka rateweién꞉tons ká꞉nen, rohrhá꞉re ne sénha aonthará꞉tate tsi nikanó꞉ron, nok tenhonwanonhwerá꞉ton nónhka óksaʼk enhahtké꞉ron.

Proverbs 17:15

Tahsheiaʼtó꞉rehte ne iáh teiakohnhí꞉kon tókaʼ ó꞉ni aonsahsheiáhtkaʼwe ne iakorihwanéren—tetsá꞉ron ráhswens Roiá꞉ner.

Proverbs 28:27

Tashé꞉ion ne iakó꞉ten tánon iáh nonwén꞉ton thaiesenténhton. Tókaʼ saʼnikonhrón꞉nis tsi iáh teshé꞉kenhs ne iakó꞉ten, wé꞉so nón꞉kwe tsi eniesateraʼswaksá꞉ten.

Proverbs 30:10

Tóhsa nonwén꞉ton enhserí꞉wakwaʼse ne kontihnhá꞉tshera raohén꞉ton ne raiaʼtakweʼní꞉io. Ensatkenhrenʼserón꞉ni tánon enhsatkarón꞉ni ne aorihwà꞉ke.

Isaiah 5:20

Ensesathateriwásthen, í꞉se ne senahtón꞉kwa ne kariwahetkénsera ioiánere tánon ne ioiánere karihwahekénsera ne senahtónhkwah, ónka teshaténies ne tetsiókaras ne tahioswát꞉thene, tánon ne tehioswát꞉the nahontahiókarawe, ónka teshaténies ne iotskárat ne tahiotsiʼkhétarane tánon ne teiotsiʼkhétare ne ahiotskáraʼne!

Isaiah 5:23

ronón꞉ha sehshakonatkáwas ne iakoníkon tsioríwa tsi ronwanarahratsʼténhnis athatahwí꞉tshera enhonwanawí꞉hon, tánon tesehiatotʼtakwénhnis ne iáh tehiakoníkon ne raotiʼianerénhseras!

Isaiah 66:24

Tánon kwáh ienhatiʼiákenhne tánon enhotkátho né ronenhehiónkwen raotiʼieronhtashónhas né nonkweshón꞉has né iáh tehionkewenhnará꞉kwen; asèken né raotiʼtsinonwanhétas kwáh iáh tahkonhníheie, né raotiʼtsíres kwáh iah tahonswát꞉tonhke, tánon kwáh tsi niaʼtehionkwétake tsi enhonwatíswenh.

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.