Proverbs 24:22 - Ohiatonhseratokénti

²² kí꞉ken niionkweʼtò꞉tenʼs iohsnó꞉re ehtà꞉ke enhontatón꞉ni. Saʼnikonhraién꞉taʼs kenh Rawenni꞉io tókaʼ ó꞉ni ronontí꞉io kakaronniáhtshera entehshakotenniéhten?

Proverbs 24:22 ပူးပေါင်းရင်းမြစ်များ

1 Kings 1:49

Ethòne ne Adonijah ne sakohonhraráwiʼne wahonateronhniénhthen, tánon ratikwékon thonhsahatítaʼne sahonthénhti, satihiatátʼtsons tsi nónhwe nionhsahónhne.

Psalms 90:11

Ónhka iakoteriéntare tsi nikashástste ne sanakwáhtshera? Nó꞉nen ne Rawenni꞉io ronakwénhen tsi nikarihwahét꞉kens nonkweshón꞉has tsi nihiontseránions.

Proverbs 16:14

Nónhka ionttokhahtsherí꞉io enionteʼnién꞉ten nahotonhnhá꞉rake ne ronontí꞉io. Tókaʼ enhoná꞉khwen ne ronontí꞉io, tókaʼ nón꞉wa ónhkaʼk eniaíeheie.

Proverbs 20:2

Etshetshahní꞉shek ne ronontí꞉io nó꞉nen ronaʼkhwén꞉ʼen tsi ní꞉ioht tsi nihawennò꞉ten ne kèn꞉reʼks; enhtshenaʼkón꞉ni ne shaʼté꞉ioht ne ahsatatáhtenonwarhiakon.

Proverbs 24:16

Iáh oʼthé꞉nen tewatsterístha tho niiotká꞉te ne thonnonkweʼtaié꞉ri tahatiʼnióhskenʼne, tiótkon tenhshatí꞉taʼne; nok ne iáh tethotirihwaié꞉ri enhontkarón꞉ni tókaʼ ó꞉ni enhontatáhtonʼte.

Proverbs 6:15

Ne tiorí꞉wa iáh ohén꞉ton thaontonthró꞉ri iaʼtenhonatierónnionʼse, tánon enhonʼwèn꞉taʼne.

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

Hosea 5:11

Ne Ephraim ionikonrót꞉tahon, tsekonwatsóron tsi nikonwarihwénton, tiorì꞉wa tsi iehionikonhrakontákwen ne akásehre ne iáh othé꞉nen tekariwástha.