Proverbs 24:16 - Ohiatonhseratokénti

¹⁶ Iáh oʼthé꞉nen tewatsterístha tho niiotká꞉te ne thonnonkweʼtaié꞉ri tahatiʼnióhskenʼne, tiótkon tenhshatí꞉taʼne; nok ne iáh tethotirihwaié꞉ri enhontkarón꞉ni tókaʼ ó꞉ni enhontatáhtonʼte.

Proverbs 24:16 ပူးပေါင်းရင်းမြစ်များ

Genesis 19:35

Sók kátiʼ wahoniónnien né ronwaʼníha nahahnekí꞉ra notsí꞉tsa neʼthó siioʼkarahtsherá꞉tehkwe, tánon ne kenʼ nitiakoión꞉ha waʼtká꞉taʼne, tánon skátne wahiá꞉rate; tánon iáh ohthé꞉non tehottó꞉ken kátke niiorá꞉ton khéhs nitsotkétskwen.

Esther 7:10

Sók ki Haman wahonwahnià꞉terenke tsi nón꞉we nihóhson Mordecai raorihwà꞉ke. Ó꞉nen kiʼ ne ronontí꞉io iaʼtonsahanaʼkwaieʼwèn꞉taʼne.

Job Tánon ne Raoronhiakensera 5:19

Kwáh enhiaiatanónsthate ne iá꞉iak nihiorì꞉wake ahisateraskwáksenhne; ne tsatá꞉khaton nienwatéraste iáh thaóthen ne kakaronhniá꞉tshera tiahisaié꞉na.

Psalms 34:19

Wé꞉so ne karihwaʼhét꞉kens tsi nihiakohiátawenhs ne tionkwetaiéris, ók Roiá꞉ner kíʼ sehsakohiathákwas akwékon tsi nihioterihwaʼtsiéren.

Psalms 34:21

Né karihwaʼhetkénsersa ne ronhnonkwetahétkens kenhéion tsiakohawithénhnis, tánon tsi nihiákon ne ronhwaʼtísons ne tionkwetaiéris kwáh enhiontréwate.

Psalms 37:24

Tó꞉ka enhatihiatiénenne iáh kí tiahontʼkóntaʼkwe, tsoríwah ne Roiá꞉ner enshakosniénon ne tahonsahatítaʼne.

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Psalms 79:12

Saiá꞉ner, tsáta niʼiorihwáke shasehkáriaks nakorénhshons nonkweshón꞉has; né nakwékon tsi nihotiʼthónhiote ne sahénton tsi niʼiesanikonraksáton!

Proverbs 13:17

Nónhka ratirihwenhá꞉wi ne iáh tehsheniahé꞉sen, nek entkáhawe ne kaʼnikonhrharáhtshera, nok ne ónhka sheniahé꞉sen entkáhawe ne skén꞉nen.

Proverbs 13:21

Kaʼnikonhrharáhtshera rotíhnonhteratseʼs ne rotirihwanéren tsik nón꞉we nienhón꞉ne, nok ne thotirihwaié꞉ri tenhonaterihwaʼserákwahse tsi nahò꞉ten ioianeré꞉shon.

Proverbs 14:32

Nón꞉kwe ne rotirihwanerenʼákskon ronónha enhontatenòn꞉waien ne tsi karihwáksen tsi nihontiéhrha, nok ne tionkweʼtaié꞉ri enhotiiaʼtanónhstate ne tsi ronatonkweʼtakwaríhshion.

Proverbs 24:22

kí꞉ken niionkweʼtò꞉tenʼs iohsnó꞉re ehtà꞉ke enhontatón꞉ni. Saʼnikonhraién꞉taʼs kenh Rawenni꞉io tókaʼ ó꞉ni ronontí꞉io kakaronniáhtshera entehshakotenniéhten?

Proverbs 6:15

Ne tiorí꞉wa iáh ohén꞉ton thaontonthró꞉ri iaʼtenhonatierónnionʼse, tánon enhonʼwèn꞉taʼne.

Jeremiah 18:17

Raothihénton ne ronwahtísons tenkhehiaréniaʼthe nakonhwehtahshón꞉a, tsi ní꞉ioht nehiokenróh꞉te ne tsitkarahkwínekens nòkwahti nitsiowehrénha. Kwáh enkhehiatsʼwaténien; Kwáh iáh thaʼkhehiatahkéna nónen ne karihwahiesáhtshera énwahwe.”

Jeremiah 8:4

Ne Roiá꞉ner wahakró꞉ri nakʼkheró꞉ri ne rahonkwetahshón꞉a, “Nónenh ónhka enhahiatiénenhʼne, iáh kén tahteshá꞉tas? Nónenh ónhka ensatʼthahatéwahthe, iáh kén tehsátʼthons?

Ezekiel 7:5

Kén kíʼ nahó꞉ten ne Ronhnontí꞉io Roiá꞉ner ratónnions: “Énska ne kariwahiesáhtshera enhionónhterahtse nó꞉ia tsi táhwe ne shariwáhke.

Amos 5:2

Konwanonhwarhiá꞉kon, iáh ó꞉nen thatahonsakátane, né꞉ne iáh tekanakwahienté꞉ri Israel; konwatewenhtéton naónha ahonhontsá꞉ke, iáh tehiahonkweʼtaien nakonwasnié꞉non tahonsakátane.

Amos 8:14

Tsi niiá꞉kon né꞉ne konwarihwanirá꞉ti ne kaiatónhni Ashimah ne Samaria nón꞉we, tánon iónton, “Tsi nirónhne ne saní꞉io, O Dan,” tánon, “Tsi ní꞉ioht tsi ronón꞉nhe ne Beersheba”— kwáh kí enhatihiatsenénhne tánon iáh nonhwénton thatahonsahatí꞉tane.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.