Proverbs 23:5 - Ohiatonhseratokénti

⁵ Sahwísta iohsnó꞉re ienwáhtshaʼahte tsi shí꞉ken taonttsiraríkhon tánon waʼtkanerahontshón꞉taʼne tsi ní꞉ioht ne á꞉kweʼks waʼtká꞉ten.

Proverbs 23:5 ပူးပေါင်းရင်းမြစ်များ

Genesis 42:36

Tánon ne ronwaʼníha Jacob wahshakawènhahse, “Í꞉ʼi ne wahskwahtón꞉ten ne ratiksaʼokón꞉ʼa: Só꞉se ó꞉nen iáh kén꞉ʼen tésreʼs, tánon ne Simeon ó꞉ni iáh kén꞉ʼen tésreʼs, kiʼ ó꞉nen ientshisewaiaʼténhawe ne Benjamin. Akwé꞉kon kí꞉ken eʼthó niwatiaʼtawén꞉ʼen!”

Job Tánon ne Raoronhiakensera 27:19

Tsi ienhatsatión꞉nite ne rokwátse í꞉ken, ók ne raowenshón꞉as ienká꞉hake; thenhatkakwahrí꞉shi tánon ne raoientátshera kaktseiawè꞉non.

Psalms 39:6

iáh sénha ó꞉ia tèhiot tsi ní꞉ioht nahiotasátarake. Akwékon tsi nihatiéra iáh othènon tekéntons; raʼtateroróhki natsokowátsera, ók iáh tehoteriénhtare ónhka ienhiakohiatáheste.

Proverbs 27:24

aseʼkénh ahtshoʼkowáhtshera iáh thaʼtekahwiʼshátsteʼ, iáh ó꞉ni tsi kanakerahseraké꞉ron.

Ecclesiastes 1:2

Kwáh iáh othènenh tehiorihowá꞉nen, iáh othènenh tehiorihowá꞉nen, ráton ne sakorihonhniénhni. Tsi iakónhnhe iáh othénen tehioríhonte, akwékon iáh othénen tekástha.

Ecclesiastes 12:8

Iáh othé꞉nen tehioríhonte, iáh othé꞉nen tehioríhonte, ráton ne sakorihonhniénhni. Kwáh akwékon iáh othé꞉nen tehioríhonte

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 39:12

“Wáhs tánon tsiatishákʼka ne Jeremiah tánon kwáh ioianeréhak tsi thaʼtsiatewehienthónhas. Tó꞉sa thènenh skarèhwat, ók thóh náhtiere tsi nahthehothonwenhtsóni.”

Matthew 6:19

Tosa seȣarorok nonȣentsia ahotsokoȣatsera, otsinonȣa, oskenra oni entiatekȣisa, ne oni ne sakonasetha rotinikonrotakȣas ratinenskȣas oni,

1 Timothy 6:17

Sherórih kí꞉ken nahorihoténsons tsi niháti ne rotikwátses ne kén꞉en ionwentsiáte tó꞉sa rotatonníhak, tó꞉sa ne rathiniahesénhak nahóten ne iáh tehioriwatóken tsi ní꞉ioht ne aktiokowátseras, ók Rawenní꞉ioke nónwe nihatiniahesénhak, kwáh rahotsennonniatserákon tesonkwáwis tsi nahoténsons tahionkwatonwentió꞉nike naitewatʼtsennonniátaʼkwe.

1 Sawátis 2:16

Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.