Proverbs 22:9 - Ohiatonhseratokénti

⁹ Tasarihwaié꞉rik tánon tashé꞉ion atenná꞉tshera ne iakotenhténion. Enhshié꞉na kaiaʼtateríhtshera.

Proverbs 22:9 ပူးပေါင်းရင်းမြစ်များ

Psalms 112:9

Kwáh iáh othènen tehatikaráiens, tsi nisakonáwis ne teiontkárias; ne raotirihwaʼkwahrihshón꞉tshera thenkawisátsteke tsi nénhwe enkénhake; kakweiensthaʼtsherákon í꞉ken tsi ronateʼshaststenhseraʼkaratáton.

Proverbs 11:17

Entehsataterihwaié꞉ritste tókaʼ tisarihwaié꞉ri. Tókaʼ sonkweʼtáksen í꞉se khók enhsatatkaré꞉wahte.

Proverbs 11:25

Tasarihwaié꞉rik tho néntewe enhsakwáhtsheʼne. Shehshnié꞉non nakohrèn꞉shon tánon í꞉se ó꞉ni eniesahshnié꞉non.

Proverbs 11:27

Tókaʼ ioiánere tsi nahò꞉ten íhsehre ahsaterihwahténhtiaʼte eniesakwénienhste. Nok tókaʼ ne sesakonhátie tahsheiaʼnikonhrhá꞉ren kaʼnikonhrharáhtshera kiʼ enhshié꞉na.

Proverbs 14:21

Tókaʼ tesatonhwentsó꞉ni naiesatonhnhá꞉rake, shé꞉tenhr ne iakó꞉ten; karihwáksen nónhka ahshekèn꞉ron.

Proverbs 19:17

Nó꞉nen enshé꞉ion ne iakó꞉ten, ne shá꞉oriwa ne ahtshé꞉ni ne Roiá꞉ner tánon Roiá꞉ner enhshiakáriaʼkse.

Proverbs 21:13

Tókaʼ iáh thahsatahónhsatate ne rotí꞉ten tsi iesaʼnekèn꞉ni, nó꞉nen ní꞉se enhsheʼné꞉ken aiesaiaʼtakéhnha iáh ónhka taiakothón꞉teʼne.

Proverbs 28:24

Ónhka tsi ranonhtónnions iáh thaʼtehoʼniohskén꞉ʼen tókaʼ enhshakonénhsko ne ronwaién꞉ʼa, ne aontahonwateʼnièn꞉tenhsteʼ ne kwáh ranenhskwahtsheráksen.

Proverbs 28:27

Tashé꞉ion ne iakó꞉ten tánon iáh nonwén꞉ton thaiesenténhton. Tókaʼ saʼnikonhrón꞉nis tsi iáh teshé꞉kenhs ne iakó꞉ten, wé꞉so nón꞉kwe tsi eniesateraʼswaksá꞉ten.

Proverbs 31:20

Iakotennitenrá꞉tskon tsi nenká ne rotí꞉ten tánon ne tehonatkárien.

Isaiah 32:8

Ók tsi nikáien ne tsionkwetaʼiéri tsi ronhtenikonrónhnis tkariwaiéri kí í꞉ken, tánon né꞉ne tkariwaiéri í꞉ken ratísehre.

Matthew 20:15

Kanekhere ȣahi entkanonton tsini ienhenkhaȣe tsi nahoten ȣakien? ohia ken nitisatierase tsi teȣakeriȣaieri?

St. Mark 7:22

Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.

Luke 14:13

Neh tanon sheonkaron ne iakotentenion, teiontsarites oni ne teieronȣekon.

Acts 20:35

Kwák tsik nahorihoténsons tsi kwanatónni neh thóh ní꞉ioht tsi ensewatatsiatakéʼnha, ónenk tsi enietʼthiʼiénawase ne iáh tehiakotakaríte, skehiá꞉ras tsi nikawennótens ne kwáh raónha ne Roia꞉ner Ié꞉sos ráwen, ‘Sénha ne wakʼtsennonniatserowánen naséhion tsi ní꞉ioht naiéhson.’”

Deuteronomy 28:56

Iekaníhare ne iakónhkwe kwáh iakothonkwetatkwéniens ó꞉ni tiakoriwaié꞉ri tsi ní꞉ioht tsi iakawenhnakerá꞉ton, tho nió꞉re tsi iakokwátshe kwáh iáh nonhwénton káneka tiehiakawè꞉non ne takhéson niáhien, kwáh nónhne thóh nenhiéhiere. Nó꞉nen ne tehontà꞉tsons tenhshakotinathánake, tho nió꞉re tsi enhiakhokwahnorónsten kwáh athashetonhkéha tsi enhionthatewárake ne honhthatsiénha nónhwak kók iakawenhnakerá꞉ton. Kwáh iáh thatahiathón꞉te ne ró꞉ne ne ronwanorónhkwa tó꞉ka ó꞉ni nónhkak ne akohiohokón꞉a.

Hebrews 13:16

Tóhsa sewahnikónren nahontesewahriwaʼiérike tsi nahtesewáhteʼre, tioríhwa ne kí꞉ken ne kariwiʼiosehokónhas rawerientiʼiosténnis ne Rawenni꞉io.

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

1 Tiér 4:9

Tesewatatenonhóntsiens ne tsi sewanonshótons tóhsa thènen sewariwakátat.