Proverbs 22:5 - Ohiatonhseratokénti

⁵ Tókaʼ shenorónhkhwa tsi sónhnhe, é꞉ren í꞉seht tsi nón꞉we tewaterístaien, iakoié꞉nas ne iakorihwanerenʼákskon.

Proverbs 22:5 ပူးပေါင်းရင်းမြစ်များ

Job Tánon ne Raoronhiakensera 18:8

Asè꞉ken thoiahará꞉taʼne ne tsi tewaʼteristáien, tánon thóh niahá꞉re tsi tiosonwakà꞉ronhte iahaiá꞉thenhne.

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Psalms 91:1

Ónka kí꞉ken akénhake thóh nón꞉we nihiakonnhétie tsi niteshakónes ne kwáh éhʼneken tót꞉te ónhka kí꞉ken akénhake tsi nisakohiatanónstats ne roshaststenhseroʼwánen,

Proverbs 13:15

Iakoʼnikonhrowanáhtha tenwatén꞉tsha ne kakwénienhstatsera, nok nónhka iáh thaʼón꞉ton naiontateniáhese tho kiʼ non nihonathahitáhkhe tsi nón꞉we nahontkarón꞉ni.

Proverbs 13:3

Seʼnikón꞉rarak tsi nahò꞉ten enhsí꞉ron tánon enhsenónhstate tsi sónhnhe. Nónhka iáh tehaʼnikón꞉rare tsi nahò꞉ten thatá꞉tis enhoiatá꞉tonte.

Proverbs 15:19

Tókaʼ sentóhrha, tsik nienhénhse akwé꞉kon nienwentó꞉reke, tókaʼ sarihwakwaríhshion iáh kiʼ oʼthé꞉nen thaʼtahsaʼnikonhrhá꞉ren.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 19:16

Shá꞉wak Rawenni꞉io raoianerénhsera tánon karí꞉wes enhshónhnheke; tókaʼ iáh thaʼshié꞉na, enhsíheie kiʼ.

Proverbs 22:4

Tshewén꞉narak ne Roiá꞉ner, saní꞉tenht, tánon enhshié꞉na kakwahtshéhsera, kakwenienhstáhtshera tánon enhsonhnhé꞉son.

Proverbs 29:6

Nón꞉kwe ionkweʼtahétken raotirihwanerenʼáktshera ienhotiià꞉tenhte tsi waterístaien, ók ne tionkweʼtaié꞉ri ronatonhnháhere tánon rontatewenní꞉io.

Proverbs 4:19

Né꞉ʼe raotiháha né꞉ʼe rotirihwanéren thóh naʼtetió꞉karas tsi ní꞉ioht nahsonthén꞉ne né꞉ʼe tenhatihraʼkwénhtaraʼne ne tsi iáh thahóntkahtho nahò꞉ten tahonahsì꞉tiaʼke.

Joshua 23:13

kwáh sewaterièn꞉tharak né꞉tho Roiá꞉ner tsi iáh shé꞉kon tahonshasakohiaʼtí꞉nekenhwe tsi nienhénsewe. Khé꞉kok, kwáh eʼnenhonnonhkweʼtahetkénhthake ne sarihwà꞉ke tsi ní꞉ioht ne waterísthaien tó꞉ka ó꞉ni ne kasonhiónhni tánon thóh nihiononhwákthe tsi ní꞉ioht ne ó꞉kwire tsiónhne aieshanonhwá꞉reke tó꞉ka ó꞉ni ne oniónhwara shakaríhsen. Tánon thóh ki nió꞉re nenhénwe tsi ki nió꞉re ne iáh ónhka tsi nítson tsiaʼthahonsahiakothaténronhke ki kén꞉en ionhontsí꞉io né꞉ne Roiá꞉ner Sewaní꞉io tetsisewá꞉wi.

1 Sawátis 5:18

Ionkwateriéntare iáh ónka ne Rawenni꞉io sakoienʼokónhas tsehontashóntera nahonsahatiriwánerake, Neh seh ne Rawenni꞉io Roiénha sakonónstats, tánon ne ranikonráksen iáh tahakwéni nasakokarónni.