Proverbs 22:4 - Ohiatonhseratokénti

⁴ Tshewén꞉narak ne Roiá꞉ner, saní꞉tenht, tánon enhshié꞉na kakwahtshéhsera, kakwenienhstáhtshera tánon enhsonhnhé꞉son.

Proverbs 22:4 ပူးပေါင်းရင်းမြစ်များ

Proverbs 19:23

Tshewènienstat ne Roiá꞉ner tánon karí꞉wes enhshónhnheke, skén꞉nen enhsanonhtonniónhake tánon ensaiaʼtanónhstate nahò꞉ten ahsatkarón꞉ni.

Proverbs 21:20

Nón꞉kwe ronttokhahtsherí꞉io rotikwáhtshe tánon kakwahtshehserá꞉kon tsi ratì꞉teron, nok ne iáh thaʼtehotiʼnikonhráhthe tsi ni꞉iot ne iohsnó꞉re enhatiié꞉na nohwísta tho ni iohsnó꞉re tsi enhonthwistahní꞉non.

Proverbs 21:21

Tasarihwaié꞉rik tánon sarihwakwarihshiónhak tánon karí꞉wes enhshónhnheke; ronatiaʼké꞉shon eniesakwénienhste tánon entiesarihwaierítsten.

Proverbs 22:3

Nón꞉kwe ionttokhahtsherí꞉io óksaʼk ienieièn꞉tereʼne tókaʼ tá꞉we ne kaʼnikonhrharáhtshera é꞉ren èn꞉ienhte, nok ónhka iáh tshiaʼtaionnonhtónnionhwe kwáh nen né꞉ʼe tho nienhén꞉ien tsi non tetekaʼnikónhrhare tánon nohnaʼkèn꞉kha entsontateriʼwáhsten.

Proverbs 22:5

Tókaʼ shenorónhkhwa tsi sónhnhe, é꞉ren í꞉seht tsi nón꞉we tewaterístaien, iakoié꞉nas ne iakorihwanerenʼákskon.

Proverbs 29:23

Atatkwenienhstáhtshera entkáhawe ehtà꞉ke niensaiaʼténhawe, nok tókaʼ saniténhton, eniesakwénienhste.

Proverbs 3:16

Attokháhtshera tiakó꞉wis naiakonhnhé꞉son tánon kakwenienhstáhtshera tánon kakwahtshéhsera.

Proverbs 31:30

Tsi niieweiennò꞉ten enkakwé꞉ni ensaʼnikonhrhá꞉ten nok ne iakoiaʼtáhskats iáh tiótkon thenkénhake, nok ne iakón꞉kwe ronwahsennakará꞉tats ne Roiá꞉ner kwáh orihwà꞉ke aietsihsennakará꞉tate.

Isaiah 33:6

kwáh rahónha enhiaienáwaʼse tsi nenhsenhteniseraténionʼke, enhiawetowánenhke ne kahiatakenátshera, atʼthokhátshera, tánon ne karihonhnienhnítshera; nahonwaʼtsianísehke ne Roiá꞉ner né꞉ne Zion aotsokowáhtshera í꞉ken.

Isaiah 57:15

Asèken né aoríhwa rá꞉ton ne éhʼneken tánon né kwáh tótʼte tsi rahónha thóh nón꞉we nihénteron tsi nón꞉we ne tsi nénhwe í꞉ken, né raosénhna né꞉ne Iotokénti: Thóh nón꞉we nikíteron ne kwáh éhʼneken ít꞉ken tánon iotenathatokénti, tánon kí ó꞉ni tsi nihiá꞉kon ne teiakaweriaʼsaríhon tánon tiakonikonrénhen, né náse ahonsónhton nakonikónhra ne tiaʼkonikonrénhen, tánon á꞉se ahonsónhton nakawariáʼne ne teiakaweriaʼsaríhon.

Daniel 4:36

“Né shaʼtontakeʼnikonhraié꞉riʼne, Rawenni꞉io tontahá꞉kon né kakwenienstáhtshera, nʼakenontiióʼtshera ó꞉ni naoiatanehrakwáhtshera. Nakonkweʼtaʼshón꞉ʼa ó꞉ni ne ratihsennowá꞉nenʼs tonsaionkwarhó꞉ton, ó꞉ni tontaión꞉kon né kanontiiòhtshera aoʼshatsthénhsera, tánon ó꞉ni sénha kowá꞉nen né kakwenienhstháhtshera tsi nitiohtónʼne.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.

Ne꞉ne Sák Rohiaton 4:10

Ehtáke sewatatón꞉ni rahohénton ne Roiá꞉ner, tánon raónha enshiasenʼnakarátate.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”