Proverbs 22:22 - Ohiatonhseratokénti

²² Tóhsa ehtà꞉ke sheión꞉ni ne rotí꞉ten só꞉tsi kenh sakwénion; tóhsa ó꞉ni ehtà꞉ke sheión꞉ni ne iáh thahatikwé꞉ni nahontatiaʼtakéhnha tsi tehshakotiiaʼtorehtáhkhwa.

Proverbs 22:22 ပူးပေါင်းရင်းမြစ်များ

Job Tánon ne Raoronhiakensera 31:16

“Tó꞉ka othé꞉nen ahonkatienawástonke ne iakóthen ahonskanékseke, khés nahonkerihón꞉nike ne kontiká꞉rakes ne ionateré꞉hons nakontikaratsénhne,

Job Tánon ne Raoronhiakensera 31:21

tó꞉ka tahonktsikwatení꞉honhke rononhá꞉ke ne teiontonhnakárias, tiorì꞉wa tsi wakatkáto tionkatswánonhne ne tsi iotenhenrakáronhte rónhnes;

Exodus 23:3

Tó꞉sa shé꞉nest nahonthaʼseriwárakwe tsi nòkwah ne iakóten tsi tehiontatsiatorétha.

Exodus 23:6

“Tó꞉sa sehiathonhníiens ne kariwaʼkwahrishióntshera ne iakóten nónen tsi teiehiatoʼrehtákwah iatenhiéthaʼne.

Proverbs 21:7

Ne rotirihwaneraʼákskon enhontetsí꞉rahte ne tsi ronteriiohseranón꞉we, iáh thaʼhonthón꞉tate tho nahatí꞉iere tsi nahò꞉ten tkariwaié꞉ri.

Proverbs 22:16

Tókaʼ enhsón꞉ni nahò꞉ten ahshé꞉ion ne rotikwáhtshe tánon tókaʼ ó꞉ni ehtà꞉ke enhsheión꞉ni ne rotitenhténion, íhsehre eʼthó naontá꞉we aiesakwáhtsheʼne, í꞉se kiʼ ó꞉ni ensenténhtaʼne.

Isaiah 10:2

ne nehrenhakahawítonke ne raotiʼianerénhseras ne teionkʼkárias tsi nahó꞉ten ne ronón꞉ha raonáwenk, tánon nashenénsko nakonkwetashón꞉has ne rotítenh raotiʼianerénhsera, nètho ionaterèhons nahón꞉ton ashenenskwenháton, tánon né nahón꞉ton ne asehiaterhiotónhniaʼte ne tehiontonhnakárias!

Ezekiel 22:29

Ne rotikwáhtses ratinikonhráhtha ó꞉ni ratinénhskwas. Sakonahtiéskwahni ne iakóten sakothitesténhni ne thihiakahontsáte.

Leviticus 19:13

“Tó꞉sa sehnénhsko tó꞉ka ó꞉ni nónhkak asekarénhratʼtse. Tó꞉sa sehiatkarakshá꞉ten nónhkak sehnáhon, iekaníhare iáh ne tsiokarátshera akénhake.

Leviticus 25:17

Tó꞉sa entienikonhrá꞉ten Nisraerʼró꞉non, ók tiewénhnarak ne Roiá꞉ner Saní꞉io.

Zechariah 7:10

Tó꞉sa shetensté꞉ten ne ionahteréhons, ne tehiontonnhakárhias, ne thihononhontsá꞉te ne skátke sehwanáhkere, tó꞉ka ó꞉ni nónhka thé꞉nenh tahiakothonwenhtsó꞉nike. Tánon ó꞉ni tóhsa thé꞉nen sehwateʼnikonhrón꞉ni ne tahisehwatatʼkahré꞉wahte.’

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Deuteronomy 23:16

Kwáh enwá꞉ton kak tsiní꞉kon ne sewanatákons nón꞉we nahontateráhkwase nahonthatì꞉teron, tánon tó꞉sa ietsihiaʼteweienatshá꞉ten naieʼtsihiatníratstse.