Proverbs 22:18 - Ohiatonhseratokénti

¹⁸ tánon enhsatshennón꞉ni tókaʼ enhsehiá꞉rake ne raotiwennaʼshón꞉ʼa tánon enhskwé꞉ni taontahsatnaʼnéta.

Proverbs 22:18 ပူးပေါင်းရင်းမြစ်များ

Psalms 119:103

Tsi natehiowenhnatsikhétares ne sarihonhnienhnítseras, sénha ne tehiotsikhétare tsi ní꞉ioht notsinakonhthakwáhne raotiʼtsikhéta!

Psalms 119:111

Né saianerénhseras wakerihonhniénhnis tsi nahoténsons enkerihwanorónhsthake né꞉ne tsi nénhwe enkénhake; ne wakerienhtiʼióstha nakwerhiá꞉ne.

Psalms 119:13

Tentkatnanétha enhiorahkareníhake akwékon ne kaianerénhseras ne tisatkáwen.

Psalms 119:162

Tsi nió꞉re tsi wakatʼtsenhnónhni ne tkarihónhnis tsi nisahrarátsʼton kwáh né nónhkak wahetsénhri ahtsokowátsera.

Psalms 119:171

Kwáh tiotkonhónwe tsi thenkonhnonweratónhsehke, tsioríhwa tsi takerihonhniénhni ne saianerénhseras.

Psalms 19:10

Sénha né tehiorenhkénʼniet nètho tsi ní꞉ioht nowistanóron, ó꞉ni ne wé꞉so kawistanoronhtserí꞉io; tánon sénha tehiotsikhétare tsi ní꞉ioht ne otsinakontakwáhne otsikhéta, tánon tsi niwattsánons ne tsi rathisestathahástha notsinahkontakwáhne.

Proverbs 10:13

Ón꞉kwe ne iakoʼnikonhrowá꞉nen karihwí꞉ioʼs tsi enhontá꞉ti, nok ne iáh tehotiʼnikonhraientátskon teiotonhwentsóhon nahonwatihré꞉wahte.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 15:7

Nón꞉kwe tehotiʼnikonhráthe, attokháhtshera tehonrenià꞉tha, iáh kiʼ nen né꞉ʼe ne rotinonhwaró꞉ri.

Proverbs 16:21

Nónhka tehoʼnikonhráthe tánon rotonkweʼtíson ronwaienté꞉ri tsi roʼnikonhraientá꞉tskon. Sénha ronʼwé꞉sen tsi enthatà꞉ti sénha kiʼ enthonwéhtahkweʼ.

Proverbs 2:10

Enhsattókhaʼne tánon karihonnienníhtshera entí꞉son ó꞉ni atonhnharáhtshera.

Proverbs 22:19

Tewakatonhwentsó꞉ni natsheniáhese ne Roiá꞉ner; ne ká꞉ti enkarihón꞉ni ó꞉nen enkonhró꞉ri.

Proverbs 25:11

Aionteʼnikonhrísa ne kwáh ieká꞉ien ne shá꞉ka ne thé꞉nen ohwistanó꞉ron tánon kahwistarà꞉ken ionniá꞉ton.

Proverbs 3:17

Attokháhtshera entkáhawe ne ionʼwé꞉sen tsi ahsónhnheke eʼthó niensaiaʼténhawe tsi nón꞉we aiesaiaʼtanónhstate tsi iathenshotʼkawe.

Proverbs 4:20

Konién꞉ʼa satahonhsí꞉iohst tsi nahò꞉ten enkí꞉ron. Satahónhsatat nakewennaʼshón꞉ʼa.

Proverbs 4:21

Tóhsa nonwén꞉ton sasaʼnikónhrhen. Sehià꞉rak tánon serià꞉ne sateweién꞉ton.

Proverbs 8:6

Satahónhsatat ne kwáh ionehrákwa akewennaʼshón꞉ʼa; tsi nahò꞉ten enkonhró꞉ri né꞉ne tkariwaié꞉ri.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

John 7:38

Onka taȣetakon niihne, tsiniiot tsi kaiaton nʼOiatonseratokentike, kaihionhiios entkanaȣeroten rahonekȣentakon.

Hebrews 13:15

Ánion tewahtátʼrek, káti, tiotkonʼhónwe ietewáhtat ne kanonwerahtóntshera rahonháke ne Rawenni꞉io né꞉ne onkwahtaʼtewenhniʼiótshera tsi nòkwah ne Ié꞉sos, né꞉ne iewatʼkáwenh tsi nitiawénon ne tsi ieshakáronthe tsi nihiákon ne iakoriwahniráhton tsi rahónha ne Roiá꞉ner.