Proverbs 21:5 - Ohiatonhseratokénti

⁵ Ioiánere tsi ni꞉iot tsi sateʼnikonhrón꞉ni tánon wé꞉so ensaièn꞉take, tókaʼ só꞉tsi iohsnó꞉re tsi nahsátiere, iáh kiʼ nonwén꞉ton tshiaʼtaiesaié꞉rihseʼ.

Proverbs 21:5 ပူးပေါင်းရင်းမြစ်များ

Proverbs 10:4

Awentoráhsera ensentenhstéhten, nok ne ioioʼtenhserahní꞉ron enhsakwahtshéhsten.

Proverbs 13:4

Iáh oʼthé꞉nen tekáhstha nahò꞉ten tehotonhwentsó꞉ni ne rentóhrha, iáh kiʼ nonwén꞉ton tshiahaié꞉na. Ne rotshá꞉ni akwé꞉kon nen né꞉ʼe enhaié꞉na tsi nahò꞉ten tehotonhwentsó꞉ni.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 19:2

Tókaʼ serihwakaʼrí꞉tats nahò꞉ten iáh tshiekaié꞉ri tesaterién꞉tare iáh kiʼ teioiánere; tókaʼ iáh tesaʼnikonhrí꞉io tenhsaʼnikonhrhá꞉ren kiʼ.

Proverbs 20:21

Sénha watié꞉sen tsi aiesakwáhtsheʼne, ká꞉ron ki nenhsatshennónniaʼte.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Proverbs 29:20

Ne sénha iohrharahtsherá꞉ien ne tehotenonhwarorí꞉tonte tsi ní꞉iot ne ónhkak iáh thahanonhtonnión꞉ko nahò꞉ten enthawennínekenʼne.

Ephesians 4:28

Tóhkaʼ senenskwáskwe, ónenk tsi ensátkaʼwe tánon tasatásawen satehʼnhatserónni, ehnahontáwe kwáh ioiánere tsi asathathonʼnhakéna ó꞉ni naskwéni aseiénawase ne iakóten.