Proverbs 21:16 - Ohiatonhseratokénti

¹⁶ Kenhé꞉ion iakohrhá꞉re nónhka é꞉ren èn꞉ienhte ne kaʼnikonhrí꞉io.

Proverbs 21:16 ပူးပေါင်းရင်းမြစ်များ

Psalms 125:5

Ók tsi nihiákon ne ákte niehiakotseráton ne tsi natehiotsátʼton nakoweiénhna ne Roiá꞉ner kwáh ensakohéntenhse éhren ensakohiathenhawite ne karihwahét꞉kens tsi nihonhtséra. Skénnonk tikénhak ahonháke ne Israel!

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Proverbs 11:19

Nónhka iakoteʼnikonhríson ne tkariwaié꞉ri eniakónhnheke, nok ne ónhka entiekón꞉tahkwe ne iáh tetkariwaié꞉ri eniaiéheie.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 19:16

Shá꞉wak Rawenni꞉io raoianerénhsera tánon karí꞉wes enhshónhnheke; tókaʼ iáh thaʼshié꞉na, enhsíheie kiʼ.

Proverbs 2:13

né꞉ne ónhka iakohtkà꞉wen ne ioterihwakwaríhshion tho enhatiʼteròn꞉take tsi nón꞉we tetió꞉karas tánon karihwanerenʼèn꞉ke,

Proverbs 5:23

Enhonníheie ne tsi iáh thahatikwé꞉ni nahontatié꞉na. Tsi niió꞉re tsi rotinonhwahró꞉ri ne ká꞉ti iohsnó꞉re enhonthahíta tsi iontatiaʼtataʼáhstha.

Proverbs 9:18

Kí꞉ken nón꞉kwe ne waʼtiakoʼnikonhrakén꞉ni iáh tehonaterién꞉tare tsi enhonníheie nónhka aonónhskon ieniontáweiaʼte, ó꞉ni ónhka ó꞉nen ieiakotaweiá꞉ton tho kiʼ nón꞉we ieiá꞉ko tsi nón꞉we teiakotonhwentsaweʼéhston ne kenhé꞉ion.

Ezekiel 18:24

“Ók tó꞉ka ne tsionkwetaiéri enhióntkawe ioiánere tsi nihiontiérah tánon ne entiontáshawenh oriwahkwékon ne kariwahétken tsi nahiónhtiereh, ioteriwahtehashón꞉has nètho ne iokwetahétkens tsi nihatihiéra, kwáh onhtèken enrónhnheke? Iáh! Iáh nénhska ne ioiánereh tsi nihotiéren tawehiárahke. Kwáh enrénheʼie tioríhwa tsi iáh tehoriwahtó꞉kenʼne tánon ne rahoriwahnerahákʼtshera.

Zephaniah 1:6

Tsi nihiákon ne tsakokton tsi ronhwanonhterá꞉tsene ne Roiá꞉ner, ronónha ne iáh tehonwaiatísaks ne Roiá꞉ner khés ne thé꞉nen ahonwarihwanóntonhse.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Hebrews 10:38

Ne tionkweʼtaié꞉ri thóh ne nón꞉we nironhnonhnhétse tsi nithanetákwen; nok tóka ónhka tsi niháti tenshontʼkarahté꞉ni, iáh Tahontahionkenikonrahié꞉rithe.”

1 Sawátis 2:19

Nètho onkwesónha kwá iáh tetʼthonetákwenʼne nahionkiʼiatiátarase, neh tioríwa sahionkiʼiatiatarákwase; Tánon tóhkaʼ síken neh sahonkweʼtiókwa akénhake, kén kíʼ aihtewakwekónhake. Nók sahionkihiatiathontákwen neh꞉ne ahwénehne tsi kwá iáh neh sahonkwentiókwa tèken.

Jude 1:12

Tsi kwáh iáh othé꞉nen tehontéhens tsi rothinikhirenháties kwáh thóh nihatiʼiathóten tsi ní꞉ioht ne kwáh tehiótion aʼiorakwarake tsi skat꞉ne sewatetkwáhere. Kwáh ronnónhak khók rontatéiare. Thóh nihatihiatóten tsi ní꞉ioht ne hiotʼtsatáre tsi iahóte iakáhawe, nok iáh othé꞉nen tekakennoréstha. Thóh nihatihiatóten tsi ní꞉ioht ne iáh othé꞉nen tewahianihiontʼtha ne kehrite, ó꞉ni ne kaneʼnahke꞉ne, né kehrite ne iohtenaharóhtion tá꞉non kwáh iehiokontákwen iawenhéion.