Proverbs 21:12 - Ohiatonhseratokénti

¹² Rawenni꞉io, ne kwáh thorihwaié꞉ri roterién꞉tare tsi nihontiéhrha raotinonhskónhshon ne iáh tetionkweʼtaié꞉ri, enhshakóhtkaʼwe tánon akwé꞉kon enhonáhtonʼse nahò꞉ten rotí꞉en.

Proverbs 21:12 ပူးပေါင်းရင်းမြစ်များ

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Job Tánon ne Raoronhiakensera 5:3

Wakatkáthon nononwarorihtaʼshón꞉as tsi nihioiá꞉nere tsi ní꞉ioht tsi rotiianerastén꞉nis, ók thontaiawénhstsi wakeriwaiésate ne tsi rateteróntons.

Job Tánon ne Raoronhiakensera 8:15

Tó꞉ka nón꞉kak iahontsiatarakáren tsi ronónshote, iáh thahotié꞉nawatste; tó꞉ka nón꞉kak iaiehiénah kwáh ki iáh thatakawishátsteke.

Psalms 107:43

Aiáwenhs tsi nihiákon ne iontenikonhratʼtókha ahionhnonthonniónhko kí naorihothénhsons, aiáwenhs ne ahonhnontónhnionwe ne Roiá꞉ner raonoronhkwáhtshera ne iorihwaʼtóken.

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Proverbs 13:6

Tkarihwaié꞉ri iakoiaʼtanónhstats ne iáh oʼthé꞉nen teiakohnhí꞉kon; karihwanéren ne ieniakoià꞉tenhte ne rotirihwanerenʼákskon.

Proverbs 14:11

Nón꞉kwe tiakorihwaié꞉ri akonónhsa shé꞉kon enkà꞉take nok ne iakorihwanerenʼákskon ó꞉nen nen né꞉ʼe teniakotenonhsarenién꞉ni.

Proverbs 14:32

Nón꞉kwe ne rotirihwanerenʼákskon ronónha enhontatenòn꞉waien ne tsi karihwáksen tsi nihontiéhrha, nok ne tionkweʼtaié꞉ri enhotiiaʼtanónhstate ne tsi ronatonkweʼtakwaríhshion.

Proverbs 29:16

Nó꞉nen nón꞉kwe ionkweʼtahétken ronateríhonte, ísiʼ non wahétken tenwathnaʼnéta. Nok ne thotirihwaié꞉ri enhonnónhnheke nahontkáhtho naonsahonwatiià꞉tenhte kí꞉ken niioʼkweʼtò꞉tenʼs.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

1 Corinthians 10:5

Nók kwáh ki ó꞉ni ne Rawenni꞉io iáh tehawerientí꞉iosʼkwe ne kwáh kén niháti rahotiríwah, tánon káti ne rahotiʼieróntas wahtewahréni ne kahentakekówah.