Proverbs 21:11 - Ohiatonhseratokénti

¹¹ Nó꞉nen ónhka ratatkweniénhstha enhathré꞉wahte, nok ó꞉ni nón꞉kwe ne iáh teiakononhtonnionhtsherá꞉ien enieweientéhtaʼne. Tsi nahò꞉ten enhonwarihónnien ne tehoʼnikonhráthe enhaweientéhtaʼne.

Proverbs 21:11 ပူးပေါင်းရင်းမြစ်များ

Proverbs 1:5

Kí꞉ken karihonnienníhtshera enká꞉nahne attokháhtshera sénha enhotiʼnikonhrowáhnha ne rotiʼnikonhrowá꞉nenʼs enhshakotiʼnikòn꞉ron ne ronateweiénhston.

Proverbs 15:14

Nón꞉kwe ne tehotiʼnikonhráthe tehonatonhwentsó꞉ni sénha wé꞉so nahatiweienté꞉taʼne, nok ne iáh thaʼtehotiʼnikonhráhthe shaʼtehatinón꞉weʼs tsi iáh tekarihonnién꞉ni.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Proverbs 18:15

Nón꞉kwe né teiakoʼnikonhráthe tiótkon iakotateweienentá꞉ʼon nahò꞉ten aieweientéhtaʼne.

Proverbs 19:25

Atkanronniáhtshera teiotonhwentsóhon akahrewáhton, ó꞉nen ki nen né꞉ʼe nón꞉kwe ne iáh tshiekaié꞉ri teiakoterién꞉tare enwá꞉ton naieweientéhtaʼne. Tókaʼ ká꞉ti tesaʼnikonhráthe, enhseweientéhtaʼne nónhka aiesarihwakwaríhshien.

Proverbs 9:7

Tókaʼ enhsateʼnién꞉ten ahsherihwakwaríhshien ne rontatkweniénhstha tókaʼ ó꞉ni ne iáh tethotirihwaié꞉ri, kwáh nek ne eniesaʼnikonhrakaré꞉wahte.

Proverbs 9:9

Iáh oʼthé꞉nen tewatsterístha nahò꞉ten ienhsheiatátiaʼse ne ronttókha sénha nen né꞉ʼe enhonttókhaʼne. Tsi nahò꞉ten enhsehró꞉ri ne rotirihwakwaríhshion ne karihwí꞉io sénha kiʼ enhotiʼnikonhrowáhnha.

Numbers 16:34

Onhkwetaʼkwékon kí꞉ken NʼIsraerʼró꞉nons né thóh rónhneskwe shahontèko nó꞉nen sahonatʼthóntene tehonsénhthos. Wathotihénrete, “Sewatèko! Nonhóntsa nonhtiérenk í꞉i ó꞉ni ienhionkwahtiaʼtanékwahne!”

Acts 5:5

Kwáh tsi niʼiosthóre ne Ananias waháronke kí꞉ken, wahahiatiénenʼne wahrénheie; tánon tsi niʼhiákon wahónronke wahakoteroniénten.

Deuteronomy 13:11

Ethò꞉ne onhkweʼtakwé꞉kon nʼIsraerʼronónke kwáh enhón꞉ronke tsi nahá꞉wenhne; kwáh enhotiʼterón꞉ne, tánon iáh ónhka nonhwénton shé꞉kon ne thóh nahonsahatí꞉iere ne kariwahétken.

Deuteronomy 21:21

Ethò꞉ne ne rotikstenhokónhas ne ratinatakonró꞉nons enhonwanenhióhiaʼke tsi nió꞉re iatenhatikón꞉ten, tánon ne káti nahisewathonse ne kariwahétken. Onhkweʼtakwé꞉kon ne Israerʼró꞉nonke enhieriwà꞉ronke tánon enhiakoterón꞉ne.

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.