Proverbs 21:10 - Ohiatonhseratokénti

¹⁰ Nón꞉kwe rotirihwaneraʼákskon tiótkon ronesakonhátieʼs ne karihwanéren; iáh ónhka tehshakotitèn꞉rahs.

Proverbs 21:10 ပူးပေါင်းရင်းမြစ်များ

Psalms 112:5

Rotiʼianerasthénhnis tsi niháti ne iáh tatehotinonhiániks tánon sakotiníhas, ne ronhterihwaʼthentsátha ne tkarihwaiéri í꞉ken.

Psalms 112:9

Kwáh iáh othènen tehatikaráiens, tsi nisakonáwis ne teiontkárias; ne raotirihwaʼkwahrihshón꞉tshera thenkawisátsteke tsi nénhwe enkénhake; kakweiensthaʼtsherákon í꞉ken tsi ronateʼshaststenhseraʼkaratáton.

Psalms 36:4

Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Proverbs 12:12

Akwé꞉kon nón꞉kwe ne iáh tethotirihwaié꞉ri nek tehonatonhwentsó꞉ni ahatitshén꞉ri tsi nahò꞉ten karihwáksen kenʼniahatí꞉iere, nok ne tionkweʼtaié꞉ri tiótkon ne rotirihwahní꞉ron.

Proverbs 14:21

Tókaʼ tesatonhwentsó꞉ni naiesatonhnhá꞉rake, shé꞉tenhr ne iakó꞉ten; karihwáksen nónhka ahshekèn꞉ron.

Proverbs 2:14

nónhka ietshénrieʼs nateʼnikonhroiáhtshera tánon iakaonʼwéskwani nahò꞉ten iáh tetkariwaié꞉ri, iáh oʼthé꞉nen kiʼ tekariʼwáhsta,

Proverbs 21:13

Tókaʼ iáh thahsatahónhsatate ne rotí꞉ten tsi iesaʼnekèn꞉ni, nó꞉nen ní꞉se enhsheʼné꞉ken aiesaiaʼtakéhnha iáh ónhka taiakothón꞉teʼne.

Proverbs 21:9

Ne sénha ioiánere karonhkweʼnà꞉ke ahenteròn꞉take tsi ni꞉iot ne kanónhskon ró꞉ne skátne ahniteròn꞉take, tókaʼ tió꞉konteʼ iontewennaién꞉tons.

Proverbs 3:29

Tóhsa oʼthé꞉nen serihwísa nahò꞉ten nahshekaré꞉wahte ne tesewanonhsané꞉ken né tsi iesaniahé꞉sen.

1 Corinthians 10:6

Nónwah, oriwahkwékon kí꞉ken tethewahteienténston nonkwariwáhke, nahionkwahtohkáten ne tóhsa ahitewaskánehke ne kariwáksens, tsi né nihothiʼiéren.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

1 Sawátis 2:16

Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.