Proverbs 21:1 - Ohiatonhseratokénti

¹ Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Proverbs 21:1 ပူးပေါင်းရင်းမြစ်များ

2 Kings 19:33

Kwáh né enshatʼthaʼí꞉tha tsi nihiohahó꞉ten ne thóh tahí꞉ten tsi nithawénon, né꞉ne kwáh iáh tsahanatáraʼne kí꞉ken kanatowanenʼke. Í꞉i ne Watiá꞉ner, wakatáti.

Ezra 1:1

Ne sonthonthosehratsérenhte ne Cyrus ne Persia shahakó꞉ra, ne Roiá꞉ner ne waharihwí꞉sa etʼnaiá꞉wenhne tsi nihá꞉wen rahonhà꞉ke ne rotokenséhakwe Jeremiah. Wahonikonhrá꞉reke ne Cyrus nahaianerenhserón꞉ni né ken ahiótsete ne karihwisahátshera tánon iehathéniet nakahiátonhke tánon iorahkareníhak tsi akawenhnanhóthake ne kwáh tsiknonhwéson ne rahonhnonhtiiotsherá꞉kon:

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Ezra 6:22

Né꞉ne tsá꞉ta nónhta nikarì꞉wes kwáh ronatonhnáhere tsi nihonateʼnikonhró꞉ri ne kakhwáhere ne iáh tewatʼthenhkwáhton Kanà꞉taro. Kwáh titkáhere tsi nihonaʼtsenhnón꞉ni tiorì꞉wa ne Roiá꞉ner wahahónhnien ne Rakoraʼkó꞉wa ne Assyria nashakorihwawá꞉se, káti kwáh washakorihwawá꞉se rahothihiotenhserakónhson tsi sahatinonhsón꞉ni ne Rawenni꞉io Rahononsatokentihkó꞉wa Nisraerró꞉nonke.

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Nehemiah 2:4

Tánon ne ronnontí꞉io wahakénhase, “Onhnahó꞉ten shé꞉saks?” Tánon iakaterén꞉naien rahonhà꞉ke ne Rawenni꞉io ne karonhiá꞉ke.

Nehemiah 2:8

Tánon ó꞉ni óia kahiatónhsera ne Asaph raoriwaʼke, né꞉ne tahateʼrahnón꞉ne ne ronnontí꞉io rahorahshón꞉ʼahs, né꞉tho nahónton nahonthahá꞉kon ne tewaterontahrenwá꞉kwas, ne nahionhnihake nahiotenhenrentonhake tanon natenhenrashonhas ákta nononsatokentikó꞉wane ne kanatowanénhke tanahnatanakʼton tánon tsi nón꞉we nenkátsien.” Kaʼti ne ronnontí꞉io tahakát꞉kawen tsi nahoʼténhsons wakerihwanónton, ne aorihwà꞉ke tsi niiohiánereh ne Akení꞉io ratsánake tsi tehakatsanahere.

Esther 2:17

Kí꞉ken ronontí꞉io akaónha tiaʼonhá꞉ʼa tahshakonón꞉weʼne tsi nikón꞉ti ne konnón꞉kwe, ne aonhá꞉ʼa tahonwaʼnikonhraié꞉rite tánon wahshakonó꞉ronhkwe. Ienonhtsí꞉ne tahá꞉ren ionontí꞉io iotsistónnion aonòn꞉warore, tánon ne iakonontí꞉io wahshakaón꞉ni akaónha thonsahshakó꞉tahste aonaktà꞉ke Vashti.

Psalms 105:25

waʼsakahónhnien ne Egyptró꞉nons nahonwaʼtíson ne rahonkwetaʼshón꞉has, ne tsi rahónha ronhwaʼhiótenhse, ne ká꞉ti nahonwanateweienhnatʼsáten nʼIsraerʼró꞉nons tsi enhonwatinikonhrá꞉ten ne raonatserashón꞉has.

Psalms 106:46

Waʼsakahónhnien nahonwaʼtítenhre tsi nikáien ne ronhwaʼtinhó꞉tonkwe.

Psalms 114:3

Né Rawenni꞉io kaniatarakhekówaʼne niaháre; né Jordan oʼnàken waʼhé꞉te.

Psalms 114:5

Onhnontiéren, Ó kaniatarakhekówa, tsi waʼsatèko? Ó Jordan, tsi onàken wáʼsehte?

Psalms 74:15

Í꞉se thóh ná꞉tsa nahionaweró꞉taʼne tánon nakahionhatátseke; í꞉se iastéon ne watnekíne.

Psalms 93:4

Né Roiá꞉ner roshaststenhserowá꞉nen tsi nithoniarótaron ne karonhiáke, sénha roshaststenhserowá꞉nen tsi natehioweratáse ne kaniatarakekówaʼne, sénha roshaststenhserowá꞉nen tsi niwatwátsias ne kaniatarakhekówaʼne!

Exodus 7:3

Ók kíʼ kwáh enhihiónhnien ne Ronhnonhtí꞉io nahatenontsisthaʼniráhthe, tánon kwáh kíʼ iáh thahiatahónsahthate, iáh tewasterístha tohʼníkon ne ioteriwákʼtherons tsi naihshaʼtieráhnion ne Egypt. Ethòne kíʼ èntsien ne kwáh tehiothenonhianí꞉ton karewahtátshera ne Egypt nonwe tánon enkhehéntenhse tsi ratiʼtarahiéntons nakonkwetashón꞉ʼa nahatihiákenʼne tsi ionhwénhtsaien.

Proverbs 16:1

Enwá꞉ton aietewatenʼnikonhrísa nok Rawenni꞉io kiʼ nohná꞉ken tenthatà꞉ti.

Proverbs 16:9

Enwá꞉ton í꞉se enhsateʼnikonhrísa, nok Rawenni꞉io kiʼ enhiaianénhawe tsi nenhsátiere.

Proverbs 20:24

Roiá꞉ner roteʼnikonhríson tsi niionkwahahó꞉ten; ónhka ká꞉ti eniakoʼnikonhraién꞉taʼne ne ráonha tsi nihohahò꞉ten?

Isaiah 43:19

Ó꞉nen kwáh thó꞉wa ne ahonshonkerihwahióten norihwáses í꞉ken; ó꞉nen taká꞉reke, iáh kén tesewatʼtótkas? Kwáh enkatʼtahónhni ne iahonwenhtsiaʼthénhake nón꞉we tánon enkaniaʼtaratátie ne iahonwenhtsaʼthénhake.

Isaiah 44:27

ónhka sakawénhnis ne tsi ionotésons, “Wastátʼthen— Kwáh kí enstáthate ne tsi saʼteniatarénions”;

Jeremiah 39:12

“Wáhs tánon tsiatishákʼka ne Jeremiah tánon kwáh ioianeréhak tsi thaʼtsiatewehienthónhas. Tó꞉sa thènenh skarèhwat, ók thóh náhtiere tsi nahthehothonwenhtsóni.”

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Acts 7:10

tánon akwékon wathohiathohetstánion tsi ní꞉ioht tsi ronwenthorakwenʼníhakwe. Nónen ne Só꞉se rahohénton hiathátaʼne ne Ronnontí꞉ioʼkwe ne Egypt, Rawení꞉io taháwen ne kenténrat ó꞉ni ne atʼthokhátsera, tánon ne Ronnonti꞉io wahokórasʼte ne Só꞉se kanakeraserakwékon ó꞉ni ne kanontiʼiotserákon.

Revelation 16:12

Ne iaiá꞉khaton raronhiakeró꞉non tahá꞉weron ne raó꞉tse thóh kaniatarakeʼkowá꞉nen Euphrates, tánon nahoné꞉ka ostéske ne nahón꞉ton nahiakohasehrónhnien ne rontinontí꞉ios tsi nenhtón꞉ne tsitʼkarahkwí꞉nekens.

Revelation 16:4

Ne asénhaton raronhiakeró꞉non tahá꞉weron ne raótse thóh tsi kaniatarénions ó꞉ni tsi tsionekó꞉ton, tánon ne iatewakté꞉ni onekwénhsa.