Proverbs 20:3 - Ohiatonhseratokénti

³ Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

Proverbs 20:3 ပူးပေါင်းရင်းမြစ်များ

Genesis 13:7

tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.

Genesis 13:8

Eʼthó꞉ne ne Abram wahawénhahse ne Lot, “Ánion tóhsa ohthé꞉nen kaièn꞉taʼn naterihotahrhóktshera tsi naʼtetewátere, tánon tsi naʼtehóntere nonkenihnaʼtsheraʼshón꞉as; tiorí꞉wa tsi tewatátenonhkwe.

2 Kings 14:9

Ók kíʼ ne Ronnontí꞉io Jehoash ionsahaterihwánieʼte: “Énska nènhneʼe oniónwara ó꞉kwire né tsi ionón꞉te ne Lebanon iahoterihwaniéthase nonenhthakwénhte: ‘Sehiátʼkaf ne sehiénha nahotiniake ne riʼiénha.’ Kário etʼhontó꞉hetsʼte tánon watewaskwáhsehron nó꞉kwire.

Proverbs 14:17

Nón꞉kwe ne ratinaʼkhwahseró꞉henʼs teiotenonhwarorí꞉tonte tsi nenhontieránion; ók ne tehotiʼnikonhráthe thaʼtehonató꞉te.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 17:14

Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 18:6

Nó꞉nen onka ne teotenonhwaro꞉ritonhte enthatasawen ne tahariʼwakéhnha rariʼwanóntha nahonwanonhwenhserário.

Proverbs 19:11

Tókaʼ sattokhahtsherí꞉io enhskwé꞉ni ki aontahseniaro꞉taroʼke ne sanaʼkhwénhsera. Nó꞉nen ónhka eniesaʼnikonhráksaʼte, ne iorihowá꞉nen tókaʼ enhskwé꞉ni tóhsa tahserihwáhshnieʼne.

Proverbs 21:24

Takenaʼtón꞉hahs ónhka iená꞉ie tánon enkonnaʼtón꞉hahse nónhka iakotkenhronniá꞉tskon, iontatón꞉ni, tánon ronnónha khók rontaté꞉iahre.

Proverbs 26:17

Tókaʼ iahsatatiaʼtó꞉roke nónhka tehonaterihotáhrhon ne iáh oʼthé꞉nen tesarihwà꞉ke ne shá꞉ka ne ahsenatókten tánon è꞉rhar tahtshahontatirón꞉ten.

Ephesians 4:32

Kék, tasariwaiérik ó꞉ni seriasihióhak tsi naʼtesewátere, tánon ó꞉ni tonsasewatatenikónrens, tsi ní꞉ioht ne Rawenni꞉io tsi sianikónrense thóh rahonháke ne Kerístos.

Ne꞉ne Sák Rohiaton 3:14

Nók tóhka ne seriá꞉ne ne iónnis nasatekéf꞉fa, asonkwetaʼtsénhake, ó꞉ni satétʼtsen, tóhsa ne seriwanérat né tkariwaiéri tsi natasathaterénsaron ne satʼthokhátsera.

Ne꞉ne Sák Rohiaton 4:1

Kanónwe nitewétha ne aterihióseras ó꞉ni ne taieriwakéna? Thóh nón nitewétha ne tsi nisewaskáneks natenikonrohriátshera, né tsi nihioriwathóken tiotkonhónwe sewaterihio.