Proverbs 20:16 - Ohiatonhseratokénti

¹⁶ Nónhka tehotenonhwarorí꞉tonte ne ahahrhá꞉ratste aonsahakáriaʼke tsi rotká꞉rote ne iáh tehoienté꞉ri, nek tsi raonhwentsá꞉ien iaʼténkene tsi enhshakáriaʼke.

Proverbs 20:16 ပူးပေါင်းရင်းမြစ်များ

Proverbs 11:15

Tókaʼ enhserihwanón꞉weʼne nahskáriaʼke ne iáh tehtshienté꞉ri rotká꞉rote, ensehsatateriʼwáhsten. Ne sénha ioiánere sarihwà꞉ke ne tóhsa tahserihwáhshnieʼne.

Proverbs 2:16

Enhskwé꞉ni taseriwihiahse ne ión꞉kwe iorihwanerenʼákskon tsi ní꞉ioht tsi enwatá꞉ti kawennaweiénhon tsi ní꞉ioht tsi aontesaʼnikonhratihéntho, enwateʼnién꞉ten karihwanerenʼèn꞉ke niaʼiesaiaʼténhawe,

Proverbs 20:15

Tókaʼ saterién꞉tare nahò꞉ten sahtharáhkwen, ne ki sénha kanó꞉ron sá꞉ien tsi ní꞉ioht ne ohwistanoronʼshón꞉ʼa.

Proverbs 20:17

Nahò꞉ten ensaièn꞉taʼne ne kaʼnikonhrhá꞉ton tho ni꞉iot tsi ensé꞉ke tsi ní꞉iot ne kwáh kakhwí꞉io, nek tsi iohsnó꞉re tsi ní꞉ioht ne oʼnehsarónhkwa thentká꞉raʼne tshà꞉kon.

Proverbs 23:27

Waʼthonwisenʼtsheráksen tánon konnón꞉kwe ne iáh tetiotirihwaié꞉ri eʼthó nikontiiaʼtó꞉ten tsi ní꞉ioht ne iakoʼwènthohs waterístaien.

Proverbs 27:13

Nón꞉kwe ne iáh tshiaʼtekaié꞉ri thaʼtehoʼnikonhráthe tókaʼ enhotatshennáhrhase ónhka iáh tehoienté꞉ri tsi rotká꞉rote, tehotèn꞉tshon kiʼ ne akwé꞉kon enhotkaraièn꞉taʼne nahò꞉ten ró꞉ien.

Proverbs 5:3

Tókaʼ nakó꞉ren ró꞉ne tahshakonoronhkhwánion tókaʼ nón꞉wa thóh naʼteiotsikhé꞉tare tsi ní꞉ioht ne óshes tánon tenhonwanoronhkhwánion thóh ní꞉ioht né꞉ʼe naʼteiotsikhé꞉tare,

Proverbs 6:1

Konién꞉ʼa, wahsehrhá꞉ratsteʼ kenh ashatátnerenke akó꞉ren iakotká꞉rote?

Proverbs 7:10

Eʼthó nontá꞉we waʼthiatátken, iotatkwatákwen tsi ní꞉ioht ne waʼthonwisenʼtsheráksen tánon ioteʼnikonhronnihátie.

Proverbs 7:5

Ne kí꞉ken enkenikwé꞉ni nahsatatiaʼtohtáhrho nakó꞉ren ronnón꞉kwe rotiniá꞉kon tánon kí꞉ken konnón꞉kwe teiotiʼwennatsikhè꞉tare tánon naiesaʼnikonhrotá꞉ko.