Proverbs 20:12 - Ohiatonhseratokénti

¹² Roiá꞉ner tehsonkwá꞉wi okà꞉ra naietewatkáhtho tánon ohónhta ne aionkwaʼthón꞉teʼne.

Proverbs 20:12 ပူးပေါင်းရင်းမြစ်များ

Psalms 119:18

Tesetkakwahrísi, ne nahónton nakatʼkátho ne iorihwanerahkwahténions norihwí꞉io í꞉ken ne saianerénhsera.

Psalms 94:9

Rawenni꞉io róhʼson nontionhontaʼshónhas, iáh kén tehó꞉thonʼte? Rahónha róhʼson nonkwahkarasónhas iáh kén tehatkáthos?

Exodus 4:11

Ne Roiá꞉ner wahénron, “Ónhka thonʼwáwis ne rónhkwe ne tsi rashaʼkáronthe? Óhka ronhionhʼniénhnis ne tahahóntaʼkweke tó꞉ka ó꞉ni nahaʼtewenhnáton? Ónhka tonwáhwis nahatʼkathósehke tó꞉ka ó꞉ni taharónweke? Kwáh Í꞉i, ne Watiá꞉ner.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Isaiah 29:18

Né thóh entewenhniseráteʼke ne tehionhontaʼkwékon kwáh kí entsakoktón꞉teʼne naowenhnaʼhókons ne kahiatonhserakweʼnónhni, tánon thóh entkahiákenhne tsi naʼtetiosaʼtahkéras ó꞉ni tetsiókaras tánon ne teieronhkwékon kwáh kí entiékhenhne.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

1 Corinthians 12:17

Tóhka oierontakwékon síken okaróskon khók akénhake, onh ní꞉ioht tsi ahiothónthene? Tánon tóhkaʼ síken ohonhtóskon khók akénhake, onh ní꞉ioht tsi aioswénhseke?