Proverbs 20:10 - Ohiatonhseratokénti

¹⁰ Roiá꞉ner shakotahkwáhswenhs nón꞉kwe ieʼnikonhrhá꞉tha ne tehshakonatoʼktahkwén꞉nis tsi iekonʼtsheriháhrha tánon iontenienténhsthakwa.

Proverbs 20:10 ပူးပေါင်းရင်းမြစ်များ

Proverbs 11:1

Roiá꞉ner ráhswens nónhka ieʼnikonhrhá꞉tha naiehkonʼtsherihá꞉ren. Rotonhnháhere nónhka tkaié꞉ri tsi ni tsi iekonʼtsheriháhrha.

Proverbs 16:11

Roiá꞉ner tehotonhwentsó꞉ni tsi kakontsheríhare tánon ne ateʼnienténhtshera aontakariwaié꞉rike nahò꞉ten watenhní꞉non ne kwáh aontakarihwaié꞉rike.

Proverbs 20:23

Roiá꞉ner shakóhswenhs nón꞉kwe ieʼnikonhrhá꞉tha tehshakonatoʼktahkwén꞉ni tsi enhatikhonʼtsherihá꞉ren.

Leviticus 19:35

“Tó꞉sa ónhka ieʼtsinikonhráten né꞉ne ahisewátsʼte ne iáh tekaientéri níhions hionhtenientensthákwa, tsi nahiótsʼteke, ó꞉ni tsi nakonháke.

Leviticus 19:36

Ne ísewats ne kaienhtéri iekonhtserihará꞉kwah, ne tkaiéri tsi nahiótsʼteke, tánon ne tkarihwaiéri hiontenientenstákwa. Í꞉i ne Watiá꞉ner Sewaní꞉io íken, tánon Í꞉i tetkwahiatinekénhen ne Egypt.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”