Proverbs 2:6 - Ohiatonhseratokénti

⁶ Ne tsi Roiá꞉ner thatká꞉waʼs attokháhtshera ráonha ó꞉ni thatká꞉waʼs karihonnienníhtshera tánon kaʼnikonhraientáhtshera.

Proverbs 2:6 ပူးပေါင်းရင်းမြစ်များ

1 Kings 10:24

tánon kwáh ohontsakwékon tehiakotonhontsoníhne ne thóh iáhien tánon ahiontahónsathaʼte natʼthokhátseras ne Rawenni꞉io thó꞉wi.

1 Kings 3:12

kwáh kíʼ thóh nénhtiere tsi nasehrihwanónhton. Kwáh sénha iawethowánen nathokhátsera entkónhion tánon ne kanikonhraienthátsera tsi ní꞉ioht nónhka akóren tsi nitsawénon tánon iáh shé꞉kon nónhka nakóren thóh tahonhsahiothónhake.

1 Kings 3:9

Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

1 Kings 4:29

Né Rawenni꞉io kwáh íken tsi ohianí꞉ioht ne kanikonhrowanáhtsera tánon ne kaʼkenhenhiónhtsera, ó꞉ni ne kanikonhraienthátsera sóhtsi tehiotenonhianíton né꞉ne ahionhnonhthónhnionhwe.

1 Chronicles 22:12

Tánon aiáwens ne Roiá꞉ner ne Saní꞉io ahontáhion natʼthokhátshera ó꞉ni ne kanikonhraienthátshera né ká꞉ti nahónton nasheiatʼkóraste Nisraeʼró꞉nons ne ahontahioianénhaʼwe ne raʼoianerénhsera.

Ezra 7:25

“Í꞉se, Ezra, shasthonhátie nateʼnikonhrathokhá꞉tshera ne Saní꞉io thiá꞉wi, ne nashehiatharakwenhá꞉ton ne shakonaterihwatsterísthase tánon ne rathirihwénhtas nashakonatkórasthe nonhkweshón꞉as ne tsi iaʼtewatséntos nokwá꞉ti ne Euphrates tsi niká꞉ien ne rathísere tsi nihoianerenhseró꞉te ne Saní꞉io. Ó꞉nenk tsi ensherihónhnien né꞉tho kaianerénhsera nónhka ne iáh tehiakoterièn꞉tare.

Nehemiah 7:5

Eʼthó꞉ne ne ní꞉io wahakenikonráhtha skátne ne ratisennhó꞉wanens tánon ne sakotikó꞉ras nonkweshón꞉as nahiontát꞉tsenhnaren. Tánon wakhetsénhri ne kahorohtahkwehnónhni ne iontatsenhnaráhkwah ne tsi nihiá꞉kon ne tsakotserénhton tsá꞉kawehnon tánon wakheʼtsénhri ne ionón꞉teratse tsi nikahiá꞉ton ne thóh nón꞉we:

Job Tánon ne Raoronhiakensera 12:13

“Raónha nikwé꞉kon ne ateʼnikonrathokhá꞉tshera tánon ne kaʼshatsténhsera; tánon natokháhtshera ó꞉ni ne kaʼnikonraientá꞉tshera.

Job Tánon ne Raoronhiakensera 12:16

Raónha ne kaʼshatsténhsera í꞉ken tánon nateʼnikonrathokhá꞉tshera í꞉ken; ne ienikonráhtha tánon ne ronwahtinikonrahthén꞉nis raónha nenhné꞉e kenh ienhsakó꞉iere.

Job Tánon ne Raoronhiakensera 22:22

Ensewaié꞉na ne karihonhnienhní꞉tshera tsi nénhtewe ne tsi rasaká꞉ronhte, tánon sewateweién꞉ton ne raowenhnaó꞉kons ne seweriá꞉ne.

Job Tánon ne Raoronhiakensera 32:8

Ók neh seh ne raotónhnets ne rónkwe, tánon ne rahonhní꞉sera Roshatstenhserowanenhkó꞉wa teshakó꞉wis ne kaʼnikonraienthátshera ne rononhà꞉ke.

Psalms 119:104

Saiahnerenhserákon nónhwe nitékhas ne atʼthokhátsera; káti akwékon ítsons tsi nahoténhsons ne tehiotʼtsátons.

Psalms 119:34

Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:98

Ne satsiawenhrátsera ne wakonhniénhnis nakatenikonratʼthókhane tsi ní꞉ioht ne iónkswenhs akehiatahónsahthate, asèken tiotkonhónhwe ne kháwis.

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 19:8

ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Psalms 51:6

Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

Psalms 94:10

Sakotewenhnaiéntons nonkweʼshón꞉has iáh ontèken tasakoréwaʼte ne ronhnonkwetaʼhét꞉kens nʼIsraerʼró꞉nons sakotihéntenhse, tsi rahónha sakorihonhniénhnis nonkweshón꞉ha natʼthokhatsherákon, iáh kén tasakosokwawéshon?

Exodus 31:3

tánon né wahihiaʼtánaʼne nakeshatsʼténsera. Tahíhion ne kanikonhraientátshera, nahaʼweienthetónhake, tánon nahakweniésehke ne kwáh tsík nahoténsons ahohióten ne kahiotenseranó꞉rons—

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Ecclesiastes 2:26

Rawenni꞉io thakáwas natokhátshera, karihonnienhnítshera, ó꞉ni natsenhnonhniátshera tsi nihiákon ne thonwanikonhraiérits, ók sakohioténstha ne iakoriwáhneren né nahatiró꞉rohke ó꞉ni nahathithonhnionhniánion, né káti nahónton né ahonthasakónonh ne thonwanikonhraiérits Rawenni꞉io. Kwáh oriwahkwékon iáh othénenh tekástha. Kwáh thóh ní꞉ioht tsi síken ní꞉ioht ne owèra konhwásehre.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

Daniel 1:17

Rawenni꞉io tahshakáon ki kaié꞉ri nihá꞉ti kenʼnithotiión꞉sa ne karihonnienníhtshera ó꞉ni ne ahotirenʼnháon ne ahatihiatónsheke, ó꞉ni ne kaʼnikonhraientáhtshera iahawénhtate, tsi taháon ne Daniel ne ahorennʼhaʼónhake ne ahaʼnikonhraientáhthake nahò꞉ten ienharì꞉waken ó꞉ni ne atetshénhsera.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 2:23

Konhsénnaienhs ó꞉ni tekonrénhsaronhs, í꞉se né Sewenní꞉io tsi takenekwenhsatátie. Í꞉se tehská꞉wi ne attokháhtshera ó꞉ni né kaʼshatsténhsera; tesarihwaʼserákwen né wakaterénnaien tánon takweʼnehstén꞉ni tsi nahò꞉ten ahshakwahró꞉ri ne ronnontí꞉io.”

Luke 21:15

Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.