Proverbs 2:22 - Ohiatonhseratokénti

²² Rawenni꞉io entehshakoiaʼtatihéntho ne ionkweʼtahétken tsi ionhwentsá꞉te tánon ne rotirihwanerenʼákskon tsi ní꞉ioht ne ahʼrhiotsionko né꞉ʼe kahontáksenʼs.

Proverbs 2:22 ပူးပေါင်းရင်းမြစ်များ

1 Kings 14:14

Né Roiá꞉ner enhó꞉teron ne ronhnonhtí꞉io Nisraerʼró꞉nonke tsi kwáh ienhaiáksʼtsi ne Jeroboam rahowátsire.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

Job Tánon ne Raoronhiakensera 21:30

Ne ronhnonkweʼtahétkens ronwatinónstats ne tsi tewenhniséronte ne atkaronhniátshera; entonwatiiaʼténhawe nentewenhniserá꞉te ne kanakwáhtshera.

Psalms 104:35

Waʼkaterénhnaien nasehiátonhte ne rotirihwáʼneren ne tsi ionwenhtsáte, tánon tó꞉sa kanèka ahonsahonhnésehke ne rotirihwaʼnerahákskon. Tehononhweráton ne Roiá꞉ner Ó akwatónnhets. Tehonwaʼnonhweráton ne Roiá꞉ner!

Psalms 145:20

Ne Roiá꞉ner sakonikonhraráhtses ratikwékon ne ronhwanorónhkwa, ók ratikwékon ne ronhnonkwetahétkens tsi ensakótonhte.

Psalms 37:20

Ók ne ionkwetaʼtsenshonkónha kwáh nenhné꞉e enhonníheie, tánon ne ronwáshons ne Roiá꞉ner enhatiʼhiatháton tsi ní꞉ioht noienkwáhra kénk tsienhónhne. Thóh nihatiʼiató꞉ten tsi ní꞉ioht ne kahentáke wattsitiónhnis, ne kwáh iorakwataríhen enwastatʼthate.

Psalms 37:22

Tsi niʼiákon ne Roiá꞉ner shakoiatateríston enhonawenkhónweke nowéntsia, nók tsi niʼiákon ne shakorewáhton kwáh kíʼ nenhné꞉e enhonwaʼnátonhte.

Psalms 37:28

asèken ne Roiá꞉ner né ranónwes nahóten ne tkarihwaʼiéri; tánon iáh tashakotiakwaríshons ne rotirihwaʼtó꞉ken raonkwetaʼshónha. Kwáh tsi nénwe tsi enteshakóʼne, ók ne sakotiʼiohokónha ne ronhnonkwetaʼhétkens kwáh kíʼ nenhné꞉e enhonwanátonhte.

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Psalms 52:7

“Tsi sewáʼken tsi nikáien ne iáh tehotekwáhsen rahonháke ne Rawenni꞉io, ók né raniahésenhne ne iawetowákenkwe kakwaséhtsheras, tánon ne rawesakonhátieskwe atʼtsokowatsherákon nón꞉we nahotasehtonhátseseske.”

Proverbs 10:30

Nón꞉kwe tiakorihwaié꞉ri tiótkon skén꞉nen tsi ratinákere, nok ne iáh tetiakorihwaié꞉ri iáh kiʼ tho thahatinákereke tsi ionhwentsá꞉te.

Proverbs 11:3

Tókaʼ tehsonkweʼtaié꞉ri ne kiʼ ensaianénhawe ne tkarihwaié꞉ri. Nón꞉kwe ne iáh thaʼón꞉ton nahsheniáhese ronnónha kiʼ enhontatáhtonʼte tsi iáh tehotirihwakwaríhshion.

Deuteronomy 29:20

Ne Roiá꞉ner kwáh iáh tahonsahonikónhrenhse ne nihionkwetó꞉ten. Khékok, ne Roiá꞉ner ne iotékha rahonakwáhtshera kwáh enkenhtonhkowanáthe ne raonhà꞉ke, tánon akwé꞉kon ne karihwaiesáhtsheras ne kahiatónhnion ne kén꞉en kahiatonhserá꞉kon kwáh enhosénhne tsi nió꞉re ne Roiá꞉ner kwáh thokén꞉en enhothón꞉te.

Deuteronomy 29:28

Tánon káti ne Roiá꞉ner wahotenakwawenhráʼtse, tánon ne kowá꞉nen rahonakwáhtshera é꞉ren washakohiaʼtenhá꞉wite ne rahononhontsá꞉kes tánon thihiohontsá꞉te nón꞉we iashakohiatón꞉ti, tánon tho nón꞉we nihatinákere nón꞉wa wenhniserá꞉te.’

Deuteronomy 7:22

Ken nihioré꞉sehre tsi enshakohiaʼtínekenhwe kí꞉ken onhkweshón꞉as ne tsi nienhénsewe. Iáh thahisewakwé꞉ni ne ratikwé꞉kon óksak ahietsihiaʼthónte, asè꞉ken, tó꞉ka thóh nenhsewá꞉iere, tsi nenhonatiohkowaná꞉ne ne kontí꞉rhios tánon enioʼterontónhake ne sewarihwà꞉ke.