Proverbs 2:2 - Ohiatonhseratokénti

² Satahónhsatat tsi nahò꞉ten wattokhahtsherí꞉io tánon sateʼnién꞉ten naiesaʼnikonhraièn꞉taʼne.

Proverbs 2:2 ပူးပေါင်းရင်းမြစ်များ

Psalms 90:12

Tatsiónhnien nahionkwanikonhraiéntaʼne ne tsi nihionkwahtenhniserathénion tsi waʼséhton. Né ká꞉ti nahónton nahionkwaiéntaʼne ne Rawenni꞉io raothotʼkhátshera nonhkweriaʼnéshons.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Proverbs 2:3

Hen, tesahtshá꞉riht ne karihonnienníhtshera seʼné꞉ken ne kaʼnikonhraientáhtshera.

Proverbs 23:12

Satahónhsatat nónhka iesarihonnién꞉ni tsi ní꞉kon enhskwé꞉ni nahseweientéhtaʼne.

Proverbs 4:1

Kwaienʼokón꞉ʼa sewatahónhsatat tsi nahò꞉ten ne iaʼníha enhiarihónnien. Sewatahonhsí꞉iohst thó꞉ne ensewaʼnikonhraièn꞉taʼne.

Proverbs 4:20

Konién꞉ʼa satahonhsí꞉iohst tsi nahò꞉ten enkí꞉ron. Satahónhsatat nakewennaʼshón꞉ʼa.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Ecclesiastes 7:25

Kwáh wahkathaʼtsiatakweʼní꞉iosthe ne karihonnienhnítshera tánon nakatewéiensthe; kwáh iatewakeriwahiénthase naketsénhri natʼthokhátshera tánon takariwahsehráhkwen tsi nikeriwahnónhtons, tánon nahonkateriéntarahne onhʼní꞉ioht ne ononhwaroríhta tánon ne kanahkwáhtshera tsi nióre tsi tehiotenonhwahroríthonthe.

Ecclesiastes 8:16

Nónen wakatheniénhten nakatenikonhratʼtókʼkhane tánon nakeweientéhtaʼne tsi niʼiáwenhs ne tsi ionwenhtsáte, onhkenikonhraiéntane ahónton asonhtakwékon tánon konthá꞉tie iáh tahisénhtaʼwe

Ecclesiastes 8:9

Akwékon kí꞉ken wakatkató꞉sehron né nónen sakanonhthonhiónhko tsi nahorihoténsonhs kahioténhen ne kén ionhwentsáte, né ionhwentsáte tsi nónhwe ne ótsiakes nonhkweshón꞉ʼa iakoshastsʼtenseráien ók ótsiakes enieronhiá꞉ken tsi ne tesakotiniaró꞉tharon.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Matthew 13:9

Onka tehaontakarontakȣen naharonkate, raronk.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.