Proverbs 2:14 - Ohiatonhseratokénti

¹⁴ nónhka ietshénrieʼs nateʼnikonhroiáhtshera tánon iakaonʼwéskwani nahò꞉ten iáh tetkariwaié꞉ri, iáh oʼthé꞉nen kiʼ tekariʼwáhsta,

Proverbs 2:14 ပူးပေါင်းရင်းမြစ်များ

Proverbs 10:23

Teiotenonhwarorí꞉tonte naiontonhnhá꞉ren ne thé꞉nen naióntiere ne wahétken. Nón꞉kwe rotiʼnikonhrowá꞉nen rononʼwéskwani nahò꞉ten wattokhahtsherí꞉io.

Proverbs 21:10

Nón꞉kwe rotirihwaneraʼákskon tiótkon ronesakonhátieʼs ne karihwanéren; iáh ónhka tehshakotitèn꞉rahs.

Proverbs 4:16

Rotirihwanerenʼákskon iáh thahatikwé꞉ni nahotí꞉taʼwe tsik thé꞉nen nenhóntiere ne iáh tetkariwaié꞉ri. Ratiiaʼtión꞉ni tánon iáh tehotí꞉taʼs ne tsi iáh ónhka tehshakotikarewáhton.

Jeremiah 11:15

Ne Roiá꞉ner ráton, “Nónhkwe ne khenorónkwa kariwahétken tsi nihontiéra. Kahnithatihianerensehrénhas nakenonhsatokéntiʼke ahonnésehke? Rónnereh onhtèken enhatikwéni ne tahatítasʼte ne kariwaiesáhtshera tsi ronrahratsthánions ó꞉ni tsi rathítats tsi konhwanatsiatatʼtsahátha ne katʼtshénens? Ethóhʼne onhtèken enshonthonnáren?

Hosea 7:3

Ne tsi nihatinikonrahét꞉kens ronwatsenhnonhniaténhnis ne ronhnontí꞉io, tánon ne ronaterihóntons né tsi akonwára ronatatónhni.

Habakkuk 1:15

Ne sakósons tashakoiatakaráthate ohnió꞉kwa wá꞉raste; washakoiatí꞉sere raohá꞉reh wá꞉ratste, washakoiataró꞉roke thóh raoharáhkon; káti tsi nahatonhnáren tánon wathohénrehte.

Zephaniah 3:11

Ne é꞉tho enwenhniserá꞉teke, kwáh iáh tesatehénsehke nakwé꞉kon tsi nisahiothénhen ne tsi thóh nitsawéhnon tsi wasehrihwanérake ne tsi naskatkónten; asè꞉ken ethò꞉ne kwáh é꞉ren enkheiathenháwite ne sewanenhrí꞉hen ne ionhtatón꞉ni ne iontaʼtsenhnakaráhtats, tánon iáh shé꞉kon nahonsashatatkowánenhke nakenonhtatokentíke.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

1 Corinthians 13:6

Kanoronkwátshera iáh né tewahtsienʼnonniá꞉tha ne kariwáksen, ók ne wahtsienʼnonniathákwa ne kariwahkwahrishióntshera.