Proverbs 2:12 - Ohiatonhseratokénti

¹² Ensaiaʼtakéhnha ne tóhsa tho náhshiere tsi nahò꞉ten iáh tetkaié꞉ri. Ensaiaʼtohtáhrho tsi nón꞉we nihón꞉nes nón꞉kwe ne ratiritstonhnis tsi nahò꞉ten enhonnì꞉ron—

Proverbs 2:12 ပူးပေါင်းရင်းမြစ်များ

Psalms 101:4

Ne iáh tehioterhiasatʼkwéniens aí꞉non entkénhake nakonháke; iáh tatewaʼkatonhontsóni nakerihwaʼientéraʼne ne karihwaʼhetkénhsera.

Psalms 141:4

Tó꞉sa né sattónhtat nakerhiá꞉ne né꞉ne akanonhtón꞉nionhwe ne karihwanerahát꞉tshera, né꞉ne takatateweienhnará꞉te ne karihwahetkénsera aohiothénhsera tó꞉sa akhehiatoresherónhnien tsi nikáien rotihióthens ne karihwanerahát꞉tshera; tó꞉sa akhehiatsátarahse ne tahiakwáhtonhte tsi nihonthenhniótha.

Proverbs 10:32

Thotirihwaié꞉ri kawenní꞉ioʼs nahò꞉ten enthatiwennínekenʼne nok ne ronnonkweʼtáksenʼs nek ne thatiwennínekenʼs ne ahshakotiʼnikonhrakaré꞉wahte.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 23:33

Niaʼté꞉kon teiotierónnion enhsatkahthóhseron, iáh thahskwé꞉ni nahsanonhtonnión꞉ko tánon orí꞉wa tsi ní꞉ioht tsi ahsatà꞉ti.

Proverbs 28:26

Teiotenonhwarorí꞉tonte ne áhtshere tsi nisaʼnikonhrò꞉ten. Satatiaʼtanónhstat: íhtshehr ne tehotiʼnikonhráthe raotirihonnienníhtshera.

Proverbs 3:32

Ne tsi ne Roiá꞉ner ráhswenhs nónhka iáh tetiakorihwaié꞉ri nok ne tionkweʼtaié꞉ri kwáh otokén꞉ʼen tsi entehshakawéhtahkwe.

Proverbs 6:12

Iáh shaʼtékena té꞉ken tsi nihatiiaʼtó꞉ten ne rotirihwaneraʼákskon ne tsi tió꞉konteʼ ronnonwenhtánions.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

Acts 20:30

Ienwatenniseríhewe ótsiakes ne ronnónkwes ne kwáh í꞉se sewentiókwakon enhonnowentánion nehne iasakothihiaténhawe nahonwanatsiatáraʼse.

1 Corinthians 15:33

Tóhsa iesanonwahrohritónni. “Ne wahterohserákʼsen iontaʼtetkenténni ne tiakoriwahiéri.”

2 Corinthians 6:17

Roiá꞉ner ó꞉ni rá꞉ton: “Ietshiiátkawh tánon é꞉ren í꞉sewet, tóhsa ken niasewá꞉ier ne nahò꞉ten iáh teiotkwéniens. Thó꞉ne enskwaié꞉na,