Proverbs 19:6 - Ohiatonhseratokénti

⁶ Akwé꞉kon ionteʼniéntha ne è꞉neken thonátte aontón꞉sheke ahshakotirí꞉wawaʼse; akwé꞉kon ionhská꞉neks naiakotenroʼseraièn꞉take nónhka tehshakoná꞉wis ne kaiaʼtakehnháhtshera.

Proverbs 19:6 ပူးပေါင်းရင်းမြစ်များ

Genesis 32:20

tánon kwáh enhsí꞉ron, ‘Í꞉si ó꞉ni nón꞉we ne sahnhá꞉tshera Jacob kén꞉en nontahawenonhátie.’” Aseʼkénh wá꞉rehre, “Ne naón꞉ton aonsahiʼnikonhrí꞉iohste natatawíhtshera tsi akhén꞉ton wáhe, tánon nó꞉nen teniatiatátken; tóka nón꞉wa enshakeʼnikónhrhenhse.”

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 43:15

Sók kiʼ ne ronnón꞉kwe iahatíhawe natatawíhtshera, tánon waʼthatiiá꞉sere nohwísta iahatíhawe, iahonwaiaʼténhawe nen ne ʼeh ne Benjamin. Eʼthó꞉ne kiʼ ó꞉nen wahontén꞉ti Egypt niahón꞉ne, tánon raohén꞉ton ne Só꞉se waʼthatí꞉taʼne.

Psalms 45:12

Nonkweshón꞉has ne Tyre entiesahawítase nathatawí꞉tsheras, né꞉ne kwáh thotikwahtsénions

Proverbs 16:15

Kaswathetserákon ne Ronontí꞉io rakonsónthe éʼtho káien natónhnets, tánon ne raoriwanirátʼtsera ne shá꞉ka ne ioronhiarátieʼs ne tkáhas naiokén꞉nore kenkiténe.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Proverbs 18:16

Tesatonwenhtsó꞉ni kenh taietsatátken nónhka iehsennowá꞉nen? Ne sénha watié꞉sen iáhshawe tsi okʼnahò꞉tenk ahshé꞉ion.

Proverbs 19:12

Ronontí꞉io raonaʼkhwènhsera ne shá꞉ka ne kèn꞉reʼks tsi ratonriá꞉iens, nok ne tókaʼ enhtshateweientón꞉hahse ne táhseren tsi ni iotshennónnia nó꞉nen eniokén꞉nore.

Proverbs 21:14

Tókaʼ ónhka iesanakhwá꞉se ahtasehtón꞉ke, tiok nahò꞉ten èntshon ne enkakwé꞉ni iaʼtenhshanaʼkwaieʼwèn꞉taʼne.

Proverbs 29:26

Akwé꞉kon ne teiakotonhwentsó꞉ni nahonwaʼnikonhraié꞉rite ne rakorahseraʼkweʼní꞉io, nok kiʼ raonhá꞉ʼa Roiá꞉ner énthion ne aterihwakwarihshiónhtshera.

Matthew 2:11

Iahontaȣeiate, etho ȣahonȣaiatatsenri raksaa nikȣekon ne ronistenha Onȣari, ȣahontiskȣentaren tsi rentakere nok ȣahonȣaȣenniioste. Ȣahatinonteksi ne rahotihnata nok ȣahonhion, oȣistanoron, kanetanoron, kaienkȣarakon nok kanonkȣatseranoron iontatiatokasta.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.