Proverbs 19:3 - Ohiatonhseratokénti

³ Ótiaʼke nón꞉kwe eniontatkarón꞉ni tókaʼ ohnonhwarorí꞉ta tsi ní꞉ioht tsi iontonhianorónkwahs tánon enthonwàrahse Roiá꞉ner.

Proverbs 19:3 ပူးပေါင်းရင်းမြစ်များ

2 Kings 6:33

Iak tshieʼhóson tsi nihatón꞉nionskwe, nó꞉nen ne ronnontí꞉io rahonkwé꞉ta wárahwe tánon wahénron, “Kwáseʼ Roiá꞉ner tasonkwahawíten kí꞉ken tekanikonraráh꞉tsera nontionháke! Onʼnontséren tsi shé꞉kon aonsakateráhrate né knaháiere?”

Job Tánon ne Raoronhiakensera 15:13

Asè꞉ken ne ne tsi satónhries sástha tsi tierihwakwén꞉nis ne Rawenni꞉io, tánon aseríhon ne nikawennhó꞉tens ahontakaiá꞉kenʼne tsi tsaká꞉ronte?

Psalms 37:1

Tóhsa teshatatenikonráhrak ne rotiriwahneraʼákskon ahatirihónni; tó꞉sa saskanékset thóh nahisaiéntake tsi nahoténshons ne ionkweʼtahét꞉kens rotí꞉ien,

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Proverbs 11:3

Tókaʼ tehsonkweʼtaié꞉ri ne kiʼ ensaianénhawe ne tkarihwaié꞉ri. Nón꞉kwe ne iáh thaʼón꞉ton nahsheniáhese ronnónha kiʼ enhontatáhtonʼte tsi iáh tehotirihwakwaríhshion.

Isaiah 32:6

Asèken ne tsiakotónhnokʼte tsi iontátsis tehiotenonwaroríhtonhte, tánon né rontenikonhrón꞉nis ne karihwahneraháktshera: né ahothihióten ne iáh tehioterihwaʼkwahríshion í꞉ken, né ahiontháksaʼte naterientaweriéntshera nahonwanikonrakaréwaʼte ne Roiá꞉ner, né ronnonweʼsáta nasakonatewénhtethe ne iontonkáriaks nahotiʼrihwátsaʼses, tánon ne tasakotiʼnonhiánitse ne iakoniatákʼtens tsi nihienekíra.

Lamentations 3:39

Nontiéren neh thènen ahitewariwakátate nó꞉nen hionkhirewáton nonkwariwanerahákʼtsera tsi nikaríwes sékon tiónnhe?

Ezekiel 18:25

“Ók ní꞉se shá꞉ton, ‘Tsi nihatiéra ne Roiá꞉ner iáh tetkaiéri.’ Takatahónshatat, ní꞉se Israerʼró꞉non. Ísere onhtèken tsi nikeweiennhóten tsi nitseráhnions iáh tetkaiéri? Í꞉se saweiénhna iáh tetkariwahiéri.

1 Samuel 13:13

Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”