Proverbs 19:23 - Ohiatonhseratokénti

²³ Tshewènienstat ne Roiá꞉ner tánon karí꞉wes enhshónhnheke, skén꞉nen enhsanonhtonniónhake tánon ensaiaʼtanónhstate nahò꞉ten ahsatkarón꞉ni.

Proverbs 19:23 ပူးပေါင်းရင်းမြစ်များ

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 19:9

ne raoteronkwáhtsera ne Roiá꞉ner tsi aóskon í꞉ken, tsi nénhwe tsi thenkawisháststeke; Ne raorihwenhthátsera ne Roiá꞉ner tsi tó꞉kenske í꞉ken tánon kwáh tiokwét꞉ton karihwakwahrishón꞉tsera í꞉ken.

Psalms 25:13

Né Roiá꞉ner tiotʼkonhónwe tsi ensahkohiataterístonke ioiánere tsi aʼhonnónnheke, tánon ne sakotiʼiohokónhas enhonhnonhontsaiénthake.

Psalms 85:9

Oriwiʼiohónwe tsi rotateweienhnenhtáhon nasakonónsthaʼte tsi nihiákon ne ronhwakwenhnaráhkwa, kwáh enhataténesʼte nontionháke tánon enshonkwaiatanónsthaʼte Nisraeronónke nón꞉we.

Psalms 90:14

Saskwahnikonrí꞉iost noronhkéne né í꞉satst ne iorihwatóken sanoronhkwáhtshera, né káti nahónton nahonsaiakwahtonnáren tánon tiókonhte ahionkwatʼtsenhnonhníhake ne tsi nenhionkwaʼthenhniseraʼténionʼke.

Psalms 91:10

kwáh iáh tahó꞉then ne karihwaʼhetkénsera tahisárahne, iáh ne kanratarihnhétshera thahóntaʼwe tsi nón꞉we nishí꞉teron.

Psalms 91:16

Né thenkherihwaʼserakwáhthen nahonhnonnhésonhke, kwáh kíʼ enkhesenhnówanaʼte.

Proverbs 10:27

Tshewèn꞉narahkhwa ne Roiá꞉ner, sénha enhsonhnhé꞉son. Ne ionkweʼtáksenʼs ronnihé꞉ions ohén꞉ton tsi niió꞉re ienkáhewe.

Proverbs 11:19

Nónhka iakoteʼnikonhríson ne tkariwaié꞉ri eniakónhnheke, nok ne ónhka entiekón꞉tahkwe ne iáh tetkariwaié꞉ri eniaiéheie.

Proverbs 12:21

Iáh oʼthé꞉nen thaiakoiá꞉tawen ne wahétken ne tiakorihwaié꞉ri, nok ne iáh tetionkweʼtaié꞉ri nek ne enhatiié꞉na ne tahonʼnikonhrhá꞉ren.

Proverbs 19:22

Ioterihwatéha ne iakotétshen; rotí꞉ten ne sénha ioiánere tsi ronnónhnhe tsi ní꞉ioht ne rotinó꞉wenʼs.

Proverbs 22:4

Tshewén꞉narak ne Roiá꞉ner, saní꞉tenht, tánon enhshié꞉na kakwahtshéhsera, kakwenienhstáhtshera tánon enhsonhnhé꞉son.

Proverbs 3:24

Iáh thaiesáhteronʼne ne nó꞉nen ensentá꞉fa, tánon ensaserentí꞉ioʼne tsi niwahsón꞉tes ensèn꞉taʼwe.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Matthew 5:6

Iakotaskat ne tkariȣaieri iontonkariakta oni iakoniatathata: aseken enhiontatatahten.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Romans 8:28

Kwáh ohriwakwékons ionkwateriéntare ne Rawenni꞉io ioʼiáneres tsi nishakotsérahse tsi niʼiákon ne ronwanorónkwa, tsi niháti ne sakhoʼnháʼon, ne entioianénhawe tsi nihoskanektseróten.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.