Proverbs 19:2 - Ohiatonhseratokénti

² Tókaʼ serihwakaʼrí꞉tats nahò꞉ten iáh tshiekaié꞉ri tesaterién꞉tare iáh kiʼ teioiánere; tókaʼ iáh tesaʼnikonhrí꞉io tenhsaʼnikonhrhá꞉ren kiʼ.

Proverbs 19:2 ပူးပေါင်းရင်းမြစ်များ

2 Kings 4:39

Saiáta kahé꞉thakon niahá꞉re wahakóha ne kahonthákon. Iahatʼtsénhri ne karakónha watenenharíseres tánon né wahá꞉ko kwáh tsi níkonh nahakwéhni ne iahonhsahahá꞉we. Sonhsahá꞉hewe kenkʼní꞉was tsi wathahiákon tánon thóh iahó꞉thi tsi roríhton ne tekakhwaiesthánions, iáh tehotheriénhthare nahó꞉then nètho í꞉ken.

Job Tánon ne Raoronhiakensera 31:5

“Tó꞉ka tsi natahonkatekhá꞉hakwen ne iáh othé꞉non thakarihwástake, khéhs ne kasí꞉take watiosterí꞉hen nakaʼnikón꞉rate;

Proverbs 1:16

Iáh thahatikwé꞉ni nahontehrhá꞉rate nahò꞉ten ahontéronʼonhte. Tió꞉konteʼ ronatateweienentá꞉on nahshakotinonhwarhiakon.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 21:5

Ioiánere tsi ni꞉iot tsi sateʼnikonhrón꞉ni tánon wé꞉so ensaièn꞉take, tókaʼ só꞉tsi iohsnó꞉re tsi nahsátiere, iáh kiʼ nonwén꞉ton tshiaʼtaiesaié꞉rihseʼ.

Proverbs 25:8

Tóhsa só꞉tsi tesasteríhen kaianerenhserà꞉ke niáhse tsi nahò꞉ten wahsatkáhtho. Oh nénhshiere tókaʼ akó꞉ren enierihwahní꞉rate tsi nahò꞉ten í꞉sen iáh tó꞉kenhske té꞉ken?

Proverbs 28:20

Nón꞉kwe ne iakorihwakwaríhshion tiótkon eniakotonhnhá꞉rake tánon enká꞉nahne tsi iakónhnhe. Tókaʼ tesasteríhens naiesakwáhtsheʼne tsi nonkwá꞉ti iáh tetkariwaié꞉ri ensatré꞉wahte.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Proverbs 29:20

Ne sénha iohrharahtsherá꞉ien ne tehotenonhwarorí꞉tonte tsi ní꞉iot ne ónhkak iáh thahanonhtonnión꞉ko nahò꞉ten enthawennínekenʼne.

Ecclesiastes 12:9

Ók ne tsi nihatenikonhratʼtókha ne sakorihonhniénhni, iáh hakónhtakwe wasakorihónhnien nonhkweshón꞉ʼa tsi nahó꞉ten roteriéntare. Roteweiénstons nokarakáhions tánon kwáh toʼkénʼen tsi wahátkense tonihioriwí꞉io.

Ecclesiastes 7:9

Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

Romans 10:2

Enkwéni nakeriwahnírate neh tionháke kwáh íken tsi tehonathonwentsióni Rawenni꞉io ahonwahiótense; nók tsi ní꞉ioht tsi ronhnésaks nahonwahiótense ne Rawenni꞉io iáh neh teionʼniáton noriwí꞉io atʼthoʼkátsera.

Philippians 1:9

Wahkaterénnaien ne sewanonronkwátshera ne iakakóntakwe ahʼhontehiáron ó꞉ni kwá ahontakaiérike tsi aisewateriéntharake ó꞉ni aihsewanikonraiéntane.