Proverbs 19:18 - Ohiatonhseratokénti

¹⁸ Sheriwakwaríhshien sheienʼokón꞉ʼa tsi nikarí꞉wes kenʼnihonná꞉sa nahatiweientéhtaʼne tsi nahò꞉ten ne tkariwaié꞉ri. Tókaʼ iáh tho tháhshiere sheienawá꞉se nahontatáhtonʼte.

Proverbs 19:18 ပူးပေါင်းရင်းမြစ်များ

Proverbs 13:24

Tókaʼ iáh thahsheré꞉wahte sheienʼokón꞉ʼa, iáh kiʼ tehshenorónhkhwa. Tókaʼ shenorónhkhwa enhsherihwakwaríhshien kiʼ.

Proverbs 19:19

Tókaʼ ónhka ranaʼkhwahseró꞉hen, ráonha kiʼ ratkéhtat tsi neniá꞉wenʼne. Tókaʼ ká꞉ti énska ienká꞉ienhte nahtsheʼniá꞉kenhte, ó꞉nenk kiʼ tsi shé꞉kon ensehtsheʼniá꞉kenhte.

Proverbs 22:15

Ratiksaʼokón꞉ʼa kwáh nen né꞉ʼe shaʼoié꞉ra tsi ohnonhwarorí꞉ta tánon iáh tehatiʼnikón꞉rare tsi rontoriahnerónkwas, nok tókaʼ enhshehré꞉wahte enhotirihónnien oh ní꞉ioht tsi thaʼtahontó꞉tate.

Proverbs 25:28

Tókaʼ iáh thahskwé꞉ni ne sanaʼkhwénhsera naontahsanón꞉tonʼse, iáh ká꞉ti tesahshatstenhserá꞉ien, ne shá꞉ka tókaʼ tsi tkaná꞉taien ne iáh thatetkentstén꞉rote tekahnhohóntion watié꞉sen ne ahatinataká꞉ri.

Proverbs 29:15

Ahsherihwakwaríhshien tánon ahsheháharate ioiánere ne ratiksaʼokón꞉ʼa, raotirihwà꞉ke. Tókaʼ ronnónha enthonnónhton enhshakonatéhaʼte ne shakotiʼnisténha.

Proverbs 29:17

Sherihwakwaríhshien ne sheienʼokón꞉ʼa tánon tiótkon ensenaiéhake. Iáh nonwén꞉ton thaontaié꞉son nahò꞉ten nahsatéhen.

Deuteronomy 21:18

“Tó꞉ka shí꞉ken ónhkak iakonekenʼteronhtsherá꞉ien ne rononhtsistaʼní꞉ron tánon iáh tehatewenhnarákhwa, né꞉tho ranekèn꞉teron iáh teshakowenhnarákwa ne ronhwaiénha, iawerohátien tsi ronwarewátha.