Proverbs 19:16 - Ohiatonhseratokénti

¹⁶ Shá꞉wak Rawenni꞉io raoianerénhsera tánon karí꞉wes enhshónhnheke; tókaʼ iáh thaʼshié꞉na, enhsíheie kiʼ.

Proverbs 19:16 ပူးပေါင်းရင်းမြစ်များ

Job Tánon ne Raoronhiakensera 5:2

Tiorì꞉wa ne kanhakwáhtshera iakononwarià꞉kons ne tiakotonhnókte, tánon natakefáshera ne karihón꞉nis nahiaiéheie ne ken nitkaiénha.

Psalms 103:18

né꞉ne tsi nihiákon enhiontsénawasʼte ne raoterihwaʼsehronniátshera tánon nenhiakehiárahke thóh naiéhiere tsi nihorihwaʼtháton.

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Proverbs 15:32

Tókaʼ iáh thahsatahónhsatate nahshié꞉na nahò꞉ten naiesaweientéhten í꞉se kiʼ enhsatatkarón꞉ni. Tókaʼ enhshié꞉na ne aiesatakwaríhshien tensaʼnikonhrátheʼne kiʼ.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 21:16

Kenhé꞉ion iakohrhá꞉re nónhka é꞉ren èn꞉ienhte ne kaʼnikonhrí꞉io.

Proverbs 21:23

Tókaʼ íhsehre tóhsa oʼthé꞉nen taiesaʼnikonhrhá꞉ren, seʼnikón꞉rarak tsi nahò꞉ten enhsí꞉ron.

Proverbs 22:5

Tókaʼ shenorónhkhwa tsi sónhnhe, é꞉ren í꞉seht tsi nón꞉we tewaterístaien, iakoié꞉nas ne iakorihwanerenʼákskon.

Proverbs 29:18

Kanakeráhsera tókaʼ iáh Rawenni꞉io raottokháhtshera tehatìhsere, tenhonniʼtónniaʼte tsi ratinákere. Iotonhnhá꞉raht nónhka iéhsere ne Rawenni꞉io raoianerénhsera!

Proverbs 3:1

Konién꞉ʼa tóhsa sasaʼnikónhrhen tsi nahò꞉ten enkonrihónnien. Tiótkon sehià꞉rak thóh náhshiere tsi nahò꞉ten enkonhró꞉ri.

Ecclesiastes 12:13

Ethohʼsáne, énskak khók tsi nahó꞉ten aiaiéron: Etsenhnaiénsek ne Rawenni꞉io, tánon satewénhnarak ne raoriwahtátʼtsheras, tsioríhwa tsi né ahoríwah hionkhihiatishaháton.

Ecclesiastes 8:5

Tsi nióre ensatewénhnarahkwe ne raoriwahtátʼtsheras, sahtathanonhstátonh kíʼ, tánon ne ratenikonhratʼthókha roteriéntare kíʼ onhʼní꞉ioht tánon nóhnen thóh nenháiere.

Jeremiah 7:23

Ók kíʼ kheró꞉ri nahionkewenhnaráhkwahke, né꞉ne Í꞉i Raotiní꞉io akénhake tánon ronnónha nahkonhkwetahshón꞉a. Tánon kheró꞉ri thóh ní꞉ioht tsi ronónhnhek tsi nikheró꞉ri, ne ne ahothihianerásthen ne rahothiriwahshón꞉a.

Ezekiel 33:5

Tsi warénheʼie rahónʼha kíʼ rahoríhwa, tsioríwa tsi iáh othèhnen karíhwah tehahónhni tsi wahonwahronhkáten. Tó꞉ka ahotenhnikonhrahráthonke, ahiotónhʼon ahoniakénhʼen.

Matthew 16:26

Nahoten naha oni ahatsennonniatakȣe ne ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?

Luke 10:28

Tontahenron ne Iesos: Akȣa tasierite, eh kati natsier nok Karonhiake ensatsennonni.

Luke 11:28

Tontahenron: neh tanon naha iakotaskasts niakotaonsate ne Niio raoȣenna nok ronȣaȣennarakȣa.

John 14:15

Toka takȣanoronkȣa seȣateȣeienton ki nakeriȣaokon.

1 Corinthians 7:19

Asèhken tóhkaʼ ahotewahrakwétaronke ne rónkwe tóhkaʼ ó꞉ni iáh, iáh nenʼné꞉e thènen teʼkéntons; nahóten kariwahkweʼní꞉io né꞉ne ahiontewénhnaraʼkwe ne Rawenni꞉io raotiawenráhtseras.

1 Sawátis 3:22

Entewaiéna kwá tsi nahoténsons entsitewariwanóntonse, ne tsi ehtsitewawennarákwa tánon ne ionkwahióte nahontatsitewanikonraiérite.

1 Sawátis 5:3

Nonkwanoronkwátsera ne rahonháke ne Rawenni꞉io ne kéntons tsi entewatewénnaraʼkwe ne rahoriwahókons. Tánon ne rahoriwahókons iáh sóhtsi tehioníron nonkwariwáke,

Revelation 22:14

Iakotaskáts ne tsi niiakon ne ienó꞉hares nakotewehiá꞉ra, ne káti ne kwáh enhó꞉tiianerenhserá꞉ièn꞉take nahón꞉hiake tsi iorón꞉tote natón꞉nhets tánon enwá꞉ton niahontá꞉weiate ne kanaʼtowá꞉nenhke thóh enhón꞉toheste tsi iotenhenrá꞉karonhtes.