Proverbs 19:14 - Ohiatonhseratokénti

¹⁴ Rón꞉kwe enwá꞉ton nahonwahiatonhserónnien kanónhsa tánon ohwísta, nek tsi Roiá꞉ner khók enhakwé꞉ni naontahonwatenniéhten ne tiakorihwaié꞉ri nahóniake.

Proverbs 19:14 ပူးပေါင်းရင်းမြစ်များ

Genesis 24:44

tánon nakáonha enionkènhahse, “Snekíra, tánon enkhnekakóha ne satshenenʼó꞉konʼs iotiniaʼkwáhere aotirihwá꞉ke”—aiá꞉wenʼs akáonha kí꞉ken ne Roiá꞉ner ahshakoiaʼtarákwen nahotíniake ne riioʼténhse roièn꞉ʼa.’

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Proverbs 13:22

Thonnonkweʼtaié꞉ri nó꞉nen enhonníheie né꞉ne shakonatereʼokón꞉ʼa enhatiié꞉na ne raonatshokowáhtshera, nok ne iáh tetionkweʼtaié꞉ri nó꞉nen enhonníheie ne raonatshokowáhtshera nen né꞉ne enhatiié꞉na ne tionkweʼtaié꞉ri.

Proverbs 18:22

Tókaʼ enhsetshén꞉ri naesániake enhsetshén꞉ri ne ioiánere, wé꞉ne Roiá꞉ner tenhiarihwáhshnieʼse.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

2 Corinthians 12:14

Kanonhtonniónkwas shé꞉kon iaonsakwanatahrénahse ne ahsénhaton niaká꞉ienhte. Nok shé꞉kon kiʼ iáh tahontʼrhieniasteke. Kwáh seʼ í꞉se tekwatonhontsó꞉ni, nok iáh neh꞉ne tsi nahò꞉ten aisewaién꞉take. Ne ratiksaʼokón꞉ʼa iáh tehonaterihwaién꞉ni naʼshakonatenʼnikòn꞉raren tsi nonkwa ne ronwatiién꞉ʼa, nok ne rotiksténha ronnónha ronaterihwaién꞉ni ne ahshakonatenʼnikòn꞉raren ne shakotiienʼokón꞉ʼa.

Deuteronomy 21:16

Ók nó꞉nen né꞉tho rónhkwe tehahiaʼtó꞉rete tsi ní꞉ioht tsi tenshakokʼkáshiase ne raoienʼtátshera ne sakohioʼokónhas, iáh tehiówenk narè꞉neste nahontahoriwaré꞉kwen tsi nokwáh ne shakonónhwes ró꞉ne ronhwaiénha tsi ne ahontaháwenh tsi nihó꞉wenk ne thotierénhton rawenhnakerá꞉ton roiénha.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

1 Samuel 25:3

Nón꞉wa tsi nihoʼsenhnóten kí꞉ken rón꞉kwe ne ne Nabal, tánon tsi nihiakoʼsenhnóten ne ró꞉ne Abigail. Nètho iónkwe kwáh í꞉ken tsi watenikonratʼtókha tánon watkatoʼtserí꞉io, ók ne rón꞉kwe kwáh neh í꞉ken tsi ratonkweténtoʼre tánon raniakátste; ne raónha ne ne Calebite nahahiatóten.