Proverbs 19:11 - Ohiatonhseratokénti

¹¹ Tókaʼ sattokhahtsherí꞉io enhskwé꞉ni ki aontahseniaro꞉taroʼke ne sanaʼkhwénhsera. Nó꞉nen ónhka eniesaʼnikonhráksaʼte, ne iorihowá꞉nen tókaʼ enhskwé꞉ni tóhsa tahserihwáhshnieʼne.

Proverbs 19:11 ပူးပေါင်းရင်းမြစ်များ

2 Kings 5:12

Tshieskàte, ne tsi kaniatarathátse ne Abana ó꞉ni ne Pharpar, né Damascus nón꞉we, iáh kén ne sénha tekanekí꞉io tsi ní꞉ioht ne Israerʼró꞉nonke? Thóh nón꞉we nahonsonhkatiató꞉hareke tánon kíʼ ahonsonhtsewenhtáhon!”

Proverbs 11:13

Iáh ónhka ne teierihwenhawíhtha thahsheniáhese tsi nahò꞉ten ioterihwahséhton, nok enwá꞉ton ensheniáhese nónhka tiakonkweʼtaié꞉ri.

Proverbs 12:16

Nó꞉nen tehotenonhwarorí꞉tonte enhoná꞉khwen, óksaʼk wé꞉ne enhrón꞉ni. Nón꞉kwe ne teiakoʼnikonhráthe iáh wé꞉ne thahonnón꞉ni nahonwatiʼnikonhrakaré꞉wahte.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 15:18

Ne ienaʼkwahseró꞉hen tkáhas ne taieriʼwakéhnha, nok ne iakoʼnikonhrí꞉io tkáhas ne skén꞉nen.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 17:14

Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 20:22

Tóhsa ní꞉se saskáriaʼkt nahò꞉ten wahétken. Tsheniáhes Roiá꞉ner ne enharihwakwatá꞉ko.

Proverbs 20:3

Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

Proverbs 25:21

Tókaʼ ne iesáhswenhs rontonhkáriaʼks, shé꞉nonht; tókaʼ rotiniaʼtáthenhs, shehné꞉kanonʼt.

Proverbs 29:11

Nón꞉kwe ne iáh thaʼtehotiʼnikonhráthe iáh tehonhséhtha ne raotinaʼkhwénhsera, nok ne ronttokhahtsherí꞉io rotiʼnikonhrí꞉io enhatikwé꞉ni nahontatié꞉na.

Ephesians 4:32

Kék, tasariwaiérik ó꞉ni seriasihióhak tsi naʼtesewátere, tánon ó꞉ni tonsasewatatenikónrens, tsi ní꞉ioht ne Rawenni꞉io tsi sianikónrense thóh rahonháke ne Kerístos.

Ne꞉ne Sák Rohiaton 1:19

Né kí꞉ken sewehiárak, tekanórons tewatorhosónhas! Kwáh onkwetaʼkwékon tehiotonhontióʼon nahieʼhiathastóreke nahiontahónsathate, nók ahionteráhrate tsi ahiontháti tánon ahiakohiathakenhéhionke nahiakonákwen.