Proverbs 18:6 - Ohiatonhseratokénti

⁶ Nó꞉nen onka ne teotenonhwaro꞉ritonhte enthatasawen ne tahariʼwakéhnha rariʼwanóntha nahonwanonhwenhserário.

Proverbs 18:6 ပူးပေါင်းရင်းမြစ်များ

Proverbs 12:16

Nó꞉nen tehotenonhwarorí꞉tonte enhoná꞉khwen, óksaʼk wé꞉ne enhrón꞉ni. Nón꞉kwe ne teiakoʼnikonhráthe iáh wé꞉ne thahonnón꞉ni nahonwatiʼnikonhrakaré꞉wahte.

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 14:16

Nón꞉kwe tehotiʼnikonhráthe ratiʼnikón꞉rare tóhsa tahatiʼnióhskenʼne, nok ne iáh thaʼtehotiʼnikonhráthe iáh tshiaʼtehonnonhtónnions só꞉tsi tehotihskenhniase.

Proverbs 14:3

Ratiná꞉ie tehonatenonhwarorí꞉tonte só꞉tsi wé꞉so rontà꞉tis; raotiwennaʼshón꞉ʼa ne ronttókha ne enhotiiaʼtanónhstate.

Proverbs 17:14

Nentewatáhsawen tahsatewennotón꞉ko ne shá꞉ka aontontié꞉renhte ne taká꞉rihte ohné꞉ka tsi ieió꞉re tewahsónhtote; téstahst ohén꞉ton tsi niió꞉re isiʼnón nienhén꞉we.

Proverbs 19:19

Tókaʼ ónhka ranaʼkhwahseró꞉hen, ráonha kiʼ ratkéhtat tsi neniá꞉wenʼne. Tókaʼ ká꞉ti énska ienká꞉ienhte nahtsheʼniá꞉kenhte, ó꞉nenk kiʼ tsi shé꞉kon ensehtsheʼniá꞉kenhte.

Proverbs 19:29

Nónhka rontatkweniénhstha tánon rotinonhwaró꞉ri kwáh orihwí꞉io tsi ronnéhsaks nónhka ahonwanonwenhserário.

Proverbs 20:3

Thiʼkawenní꞉io ónhka tehotenonhwarorí꞉tonte aontahatáhsawen ne tahaterihwakén꞉ni; ne ioiánere é꞉ren satatiatenhá꞉wiht.

Proverbs 22:10

É꞉ren sheiaʼtenhá꞉wiht nónhka iontatkweniénhstha, thó꞉ne enwató꞉kten ne taionterihwakén꞉ni, taieriʼwakéhnha, tókaʼ ó꞉ni niaʼté꞉kon taiontaténhahse.

Proverbs 25:24

Ne sénha ioiánere tsi karonhkweʼnáhere ahsiʼteròn꞉take tsi ní꞉ioht ne skátne aieseniʼteròn꞉take ne seniniá꞉kon ne iakotewennaientón꞉tskon.

Proverbs 27:3

Tsi niiókste ne onén꞉ia tánon oʼnehsarónhkhwa iáh ne shá꞉ka té꞉ken, táhseren kaʼnikonhrharáhtshera tsi tkáhas ne teiotenonhwarorí꞉tonte.

Proverbs 29:9

Nó꞉nen ónhka teiakoʼnikonhráthe tsi teieiaʼtorehtáhkhwa enhonwahiatónhseron ne tehotenonhwarorí꞉tonte, nek ne roiéshon tánon iorakaré꞉ni tsi ni꞉iot tsi enhatonkweʼtáksaʼte.