Proverbs 18:3 - Ohiatonhseratokénti

³ Karihwaksenʼó꞉kon tánon atehénhsera ne íkene. Nok tókaʼ ensá꞉ti ne atatkwenienhstáhtshera, ne iaʼtensewatté꞉ni thenʼiesaié꞉ron.

Proverbs 18:3 ပူးပေါင်းရင်းမြစ်များ

Nehemiah 4:4

“Takwahtahónsatat, O onkwaní꞉io asè꞉ken thihionkhiié꞉ron; thonsaskaraté꞉ni tsi natehionkhihiatkaronhtsheséronʼs ahion akorénhsons thóh nihonwatiiéras, tánon iehonwatiiathénhaf ne tsi tionhontsá꞉ien ne ronwatiié꞉nas.

Psalms 69:20

Tsi nihionkenikonrakarewáʼton ne iónkshons ne waʼkerhiasanonwát꞉tha, ká꞉ti iáh testiewénhtas. Karohtónhtsera kèsasks, ók iáh teketsénhries; tánon nón꞉kak ahionkenikonraniráton, iáh kíʼ nonʼné꞉e tekhehiatatʼtsénhrion.

Psalms 69:9

Né꞉ne Sanónsa aokwéniat ontsiatakári; tsi niháti iesanikonraksátha í꞉i sewák꞉ras.

Proverbs 11:2

Nón꞉kwe nónhka iontatkweniénhstha iohsnó꞉re eniontéhen, ne ká꞉ti sénha ioiánere ne tóhsa ahsatatkwénienhste. Ne wattokhahtsherí꞉io.

Proverbs 13:5

Nón꞉kwe tionkweʼtaié꞉ri iéswenhs ne onó꞉wen, nok ne raotiwennaʼshón꞉ʼa ne iáh tetionkweʼtaié꞉ri iotéha tánon iáh teiotkwénienʼs.

Proverbs 18:2

Nónhka tehotenonhwarorí꞉tonte iáh oʼthé꞉nen tehatsteríhstha tókaʼ kenh roʼnikonhraién꞉taʼs tókaʼ oni iáh; nek khók tehotonhwentsó꞉ni nahshakonaʼtón꞉hahse tsi niió꞉re tsi í꞉rehre tehoʼnikonhráthe.

Proverbs 18:4

Nón꞉kwe nakowennaʼshón꞉ʼa enwá꞉ton ne entkáhawe attokháhtshera, ne taié꞉ren tsi niiohnó꞉teʼs kaniataraʼkehkó꞉wa, tánon tsi nikahnekí꞉io tsi kahionhatátie.

Proverbs 22:10

É꞉ren sheiaʼtenhá꞉wiht nónhka iontatkweniénhstha, thó꞉ne enwató꞉kten ne taionterihwakén꞉ni, taieriʼwakéhnha, tókaʼ ó꞉ni niaʼté꞉kon taiontaténhahse.

Proverbs 29:16

Nó꞉nen nón꞉kwe ionkweʼtahétken ronateríhonte, ísiʼ non wahétken tenwathnaʼnéta. Nok ne thotirihwaié꞉ri enhonnónhnheke nahontkáhtho naonsahonwatiià꞉tenhte kí꞉ken niioʼkweʼtò꞉tenʼs.

1 Tiér 4:14

Satáskat tóhkaʼ iesanikonrakarewáta tioríwa tsi Kerístos tetietákwen; neh kí꞉ken kéntons nètho watʼtsennonniatserowánen atónnhets, neh nonikónra tsi nitewétha ne Rawenní꞉ioke, tsi senikwékonse.

1 Tiér 4:4

Tánon nónwah ne iáh tehotiriwiʼióston tsi nenhotineráko nónen níse iáh taseiatiátarase skátne tsi nihotinonwaróri tsi tseiawén꞉en tsi rohnònnhe, tánon sók kíʼ entsesakenrenserónni.

1 Samuel 20:30

Eʼthóhʼne ne Saul raonhakwáhtshera tahió꞉teke tsi nó꞉kwah ne Jonathan. Wahawénhase, “Í꞉se saién꞉ʼa ne kanikonrák꞉sen, kariwanón꞉we iónkwe! Iáh tewakateriéntare nètho ní꞉se tsi né sathaterakwénhni ne Jesse roʼiénha nasathatéhate, tánon thóh ahtehenserákon ne sanisténha tsi akoneóskon thí꞉ken?